ଫୁଲବାଣୀ: କନ୍ଧମାଳ ଜିଲ୍ଲା କ୍ରୀଡା ସଂସଦ ଆନୁକୂଲ୍ୟରେ ଆୟୋଜିତ ହୋଇଥିବା ଜିଲ୍ଲା ସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଶୁକ୍ରବାର ଉଦ୍ଯାପିତ ହୋଇଯାଇଛି। ଆଜି ଫାଇନାଲ ପ୍ରତିଯୋଗୀତାରେ ଫୁଲବାଣୀର ଟାଇ ବ୍ରେକରରେ ସ୍ପୋର୍ଟ୍ସ ହଷ୍ଟେଲ ଠାରୁ ଚମ୍ପିଅନ ହୋଇଛି। ଗତ ୮ ତାରିଖରେ ଫୁଲବାଣୀ କରୋନେସନ ପଡ଼ିଆରେ ଏହି ଜିଲ୍ଲା ସ୍ତରୀୟ ଟୁର୍ଣ୍ଣାମେଣ୍ଟ ଆରମ୍ଭ ହୋଇଥିଲା। ଉଦଘାଟନୀ କାର୍ଯ୍ୟକ୍ରମକୁ ଫୁଲବାଣୀ ଉପଜିଲ୍ଲାପାଳ ଜ୍ୟୋତିଶଙ୍କର ରାୟ ଉଦଘାଟନ କରିଥିଲେ। ପ୍ରତିଯୋଗୀତାରେ ଜିଲ୍ଲାର ଘୁ.ଉଦୟଗିରି, ଫିରିଙ୍ଗିଆ, ରାଇକିଆ, ବୁଡାଦାନି ଏବଂ ଫୁଲବାଣୀର ନେତାଜୀ କ୍ଲବ, ପେଞ୍ଜିସାହି, ଡାମିଗାଁ ଆଦି ସମେତ ସମୁଦାୟ ୧୬ଟି ଫୁଟବଲ ଦଳ ଭାଗ ନେଇଥିଲେ। ସେମି ଫାଇନାଲରେ ଫୁଟବଲ ଆସୋସିଏସନ ଏବଂ ଜେଡିକ୍ଲବ ମଧ୍ୟରେ ଏବଂ ଅନ୍ୟଟି ସ୍ପୋର୍ଟ୍ସ ହଷ୍ଟେଲ ଓ ଫିରିଙ୍ଗିଆ ମଧ୍ୟରେ ହୋଇଥିଲା। ସେମାନଙ୍କ ମଧ୍ୟରୁ ସ୍ପୋର୍ଟ୍ସ ହଷ୍ଟେଲ ଏବଂ ଜେଡି କ୍ଲବ ଫାଇନାଲରେ ପହଂଚିଥିଲେ ଓ ଆଜି ଫାଇନାଲ୍ ମ୍ୟାଚ୍ ଅନୁଷ୍ଠିତ ହୋଇଥିଲା। ଏଥିରେ ସମ୍ପୁର୍ଣ୍ଣ ଖେଳରେ କେହି କାହାକୁ ଗୋଲ ଦେବାରେ ସକ୍ଷମ ହୋଇନଥିଲେ। ଶେଷରେ ଟାଇବ୍ରେକର ଜରିଆରେ ରେଫରି ଖେଳର ନିର୍ଣ୍ଣୟ ନେଇଥିଲେ। ଏଥିରେ ସ୍ପୋର୍ଟ୍ସ ହଷ୍ଟେଲ ଚମ୍ପିଅନ ହୋଇଛି।
Comments are closed.