ଫୁଲବାଣୀ: ଗାନ୍ଧୀ ସ୍ମୃତି ଭବନ ଠାରେ ଜିଲା ସମବାୟ ବିଭାଗ ଓ ଜିଲା ସମବାୟ ସଂଘ ପକ୍ଷରୁ ୭୦ ତମ ସର୍ବ ଭାରତୀୟ ସମବାୟ ସପ୍ତାହ ୨୦୨୩ ପାଳନ ସମବାୟ ସଂଘର ସଭାନେତ୍ରୀ ସୁପ୍ରଭା ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ସ୍ୱତନ୍ତ୍ର ଉନ୍ନୟନ ପରିଷଦର ଅଧ୍ୟକ୍ଷ ରଦନ ମଲିକ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଫୁଲବାଣୀ ବିଧାୟକ ଅଙ୍ଗଦ କହଁର ସମ୍ମାନିତ ଅତିଥି ଭାବେ ଯୋଗ ଦେଇଥିଲେ।ଏ ଅବସରରେ ଫୁଲବାଣୀ ଉପଜିଲ୍ଲାପାଳ ଜ୍ୟୋତି ଶଙ୍କର ରାଏ, ଏମସିଏସ ଟିକାବାଲିର ସଭାପତି ଲମ୍ବୋଦର କହଁର, ବୌଦ୍ଧ ସମବାୟ ବ୍ୟାଙ୍କର ସଭାପତି ଅଜୟ ପ୍ରଧାନ, ରାଜ୍ୟ ସମବାୟ ସଂଘର ସଭ୍ୟ କିଶୋର ମେହେର, ଲିଡବ୍ୟାଙ୍କ ମ୍ୟାନେଜର ହରେକୃଷ୍ଣ ଜେନା, ଏଜିଏମ ନାବାର୍ଡ ସଂଜିବ ମହାନ୍ତି ଏବଂ ଜିଲା ସମବାୟ ସମିତି ସମୂହ ଉପନିବନ୍ଧକ ଯୁଗଳ କିଶୋର ଦାସ ମୁଖ୍ୟବକ୍ତା ଭାବେ ଯୋଗଦେଇ ଥିଲେ। ଏଥିରେ ଜିଲାର ୨୪ଟି ଲ୍ୟାମ୍ପସ ୨୪ଜଣ ସଫଳ ଚାଷୀଙ୍କୁ ସମ୍ବର୍ଦ୍ଧିତ କରାଯାଇଥିଲା। ଜିଲାର ପ୍ରତି ବ୍ଲକରୁ ପ୍ରାଥମିକ ସମବାୟ ସମିତିର ସଭାପତି, ପରିଚାଳନା ନିର୍ଦ୍ଦେଶକ ଓ ଚାଷୀ ଭାଇମାନେ ଓ ଗଣମାଧ୍ୟମ ପ୍ରତିନିଧିମାନେ ଯୋଗ ଦେଇଥିଲେ।
Comments are closed.