ଡେସ୍କ: କେନ୍ଦ୍ରୀୟ ଭିଜିଲାନ୍ସ କମିଶନଙ୍କ ଅଧୀନରେ ଆଲୁମିନିୟମ୍ ପ୍ରମୁଖ ନ୍ୟାସନାଲ୍ ଆଲୁମିନିୟମ୍ କମ୍ପାନୀ ଲିମିଟେଡ୍ (ନାଲକୋ) ଭିଜିଲାନ୍ସ ସଚେତନତା ସପ୍ତାହ ୨୦୨୩ ପାଳନ କରିଛି। ଏଥିରେ ସମସ୍ତ ଅପରେଟିଂ ୟୁନିଟ୍, ଆଞ୍ଚଳିକ କାର୍ଯ୍ୟାଳୟ ତଥା କମ୍ପାନୀର ମୁଖ୍ୟାଳୟରେ କର୍ମଚାରୀମାନେ ସକ୍ରିୟ ଭାବରେ ଅଂଶଗ୍ରହଣ କରିଥିଲେ। ବିଭିନ୍ନ ସଚେତନତା କାର୍ଯ୍ୟକ୍ରମ ଏବଂ ଦୁର୍ନୀତିର ମୁକାବିଲା ତଥା ଅଖଣ୍ଡତାକୁ ପ୍ରୋତ୍ସାହିତ କରିବା ପାଇଁ ସମସ୍ତେ ପ୍ରତିଜ୍ଞା କରିଛନ୍ତି। ଏହା ନଭେମ୍ବର ୫ ପର୍ଯ୍ୟନ୍ତ ଚାଲିବ।
ଏହି ଅବସରରେ ଭୁବନେଶ୍ୱରରେ ଥିବା ନାଲକୋ ମୁଖ୍ୟାଳୟରେ ସହ ସୋମବାର ଠାରୁ ସଚେତନତା ସପ୍ତାହ ଆରମ୍ଭ ହୋଇଥିଲା। ଏହି କାର୍ଯ୍ୟକ୍ରମରେ ଅଧ୍ୟକ୍ଷତା କରି ନାଲକୋ ପରିଚାଳନା ନିର୍ଦ୍ଦେଶକ ଶ୍ରୀଧର ପାତ୍ର ଦୁର୍ନୀତି ଦୂର କରିବା ତଥା ବୃତ୍ତିଗତ ତଥା ସାମାଜିକ ଜୀବନରେ ସମସ୍ତ ପ୍ରକାର ଦୁର୍ନୀତିକୁ ବିରୋଧ କରିବା ଉପରେ ଗୁରୁତ୍ୱାରୋପ କରିଥିଲେ।
