ବୁର୍ଲା: ଜିଲ୍ଲା ଆଇନସେବା ପ୍ରାଧିକରଣର ଅଧ୍ୟକ୍ଷ ପ୍ରଦ୍ୟୁମ୍ନ କୁମାର ନାୟକଙ୍କ ନିର୍ଦ୍ଦେଶକ୍ରମେ ଜିଲ୍ଲା ଆଇନ ସେବା ପ୍ରାଧିକରଣ ପକ୍ଷରୁ ବୁର୍ଲା ଭିମସାର ପରିସରରେ ବିଶ୍ୱ ମାନସିକ ସ୍ୱାସ୍ଥ୍ୟ ଦିବସ ପାଳିତ ହୋଇଯାଇଛି। ଏହି ଅବସରରେ ସମ୍ବଲପୁର ଦ୍ୱିତୀୟ ଏମଏସିଟି ନ୍ୟାୟାଧିସ ଲୋକନାଥ ମହାପାତ୍ରଙ୍କ ଅଧ୍ୟକ୍ଷତାରେ ଆଇନ ସଚେତନତା ଶିବିର ଅନୁଷ୍ଠିତ ହୋଇଥିଲା। ସମ୍ବଲପୁର ଦୁର୍ନିତି ନିବାରଣ ନ୍ୟାୟାଧିସ ଧନୁର୍ଦ୍ଧର ସେନାପତି ଏବଂ ଜୁଡ଼ିସିଆ ମାଜିଷ୍ଟ୍ରେଟ ସମ୍ବଲପୁର ଉପସ୍ତିତ ରହିଥିବା ବେଳେ ଭିମସାର ମାନସିକ ରୋଗ ବିଭାଗୀୟ ମୁଖ୍ୟ ସହଯୋଗୀ ପ୍ରଫେସର ବୀରେନ୍ଦ୍ର ନାରାୟଣ ନାୟକ, ମ୍ୟାନେଜର ଦିପୀକା ପ୍ରଧାନ, ସ୍ୱେଚ୍ଛାସେବୀ ନିହାଲ ସିଂ, ଦୁଷ୍ମନ୍ତ ବେହେରା ଓ ସମ୍ବଲପୁର ଏଲଏଡ଼ିସି ଅଙ୍କିତା ଗୁରୁ ପ୍ରମୁଖ ଉପସ୍ତିତ ରହିଥିଲେ। ଏହି କାର୍ଯ୍ୟକ୍ରମରେ ମାନସିକ ସ୍ୱାସ୍ଥ୍ୟ ଦିବସର ଲକ୍ଷ ଉପରେ ରୋଗୀ ଓ ସେମାନଙ୍କ ସମ୍ପର୍କିୟ ମାନଙ୍କୁ ଅବଗତ କରାଯାଇଥିଲା। ଜିଲ୍ଲା ଆଇନସେବା ପ୍ରାଧିକରଣ ସଚିବ ସୌମ୍ୟା ପ୍ରଧାନ ଉକ୍ତ କାର୍ଯ୍ୟକ୍ରମକୁ ପରିଚାଳନା କରିଥିଲେ। ଶେଷରେ ରୋଗୀମାନଙ୍କୁ ଫଳ ବଣ୍ଟନ କରାଯାଇଥିଲା।
Comments are closed.