ଆଠଗଡ଼: ଆଠଗଡ଼ ଭାରତୀୟ ଜନତା ପାର୍ଟି ପକ୍ଷରୁ ସମସରପୁର ମଣ୍ଡଳର ଏକ କାର୍ଯ୍ୟକାରିଣୀ ବୈଠକ ଗାନ୍ଧୀମାର୍ଗସ୍ଥିତ ଦଳୀୟ କାର୍ଯ୍ୟାଳୟରେ ଶୁକ୍ରବାର ଅନୁଷ୍ଠିତ ହୋଇଯାଇଛି। ବରିଷ୍ଠ ନେତା ତଥା ରାଜ୍ୟ କାର୍ଯ୍ୟକାରିଣୀ ସଦସ୍ୟଙ୍କ ଆହ୍ୱାନକ୍ରମେ ମଣ୍ଡଳ ସଭାପତି ତପନ ଲେଙ୍କାଙ୍କ ସଂଯୋଜନାରେ ଅନୁଷ୍ଠିତ ଏହି ବୈଠକରେ ରାଜ୍ୟ ପରିଷଦ ସଦସ୍ୟ ମନୋଜ କୁମାର ପଣ୍ଡା ମୁଖ୍ୟଅତିଥି ଭାବେ ଯୋଗଦେଇ ଦଳକୁ ତୃଣମୂଳସ୍ତରରେ ସଂଗଠିତ ଓ ମଜବୁତ୍ କରିବା ଉପରେ ଗୁରୁତ୍ୱାରୋପ କରିଥିଲେ। ନିର୍ବାଚନ ମଣ୍ଡଳୀର ସମସରପୁର ମଣ୍ଡଳକୁ କିପରି ସଂଗଠନ ଓ କାର୍ଯ୍ୟକ୍ରମ ମାଧ୍ୟମରେ ୧ନଂ କରାଯିବ ସେ ଦିଗରେ କାର୍ଯ୍ୟ କରିବା ପାଇଁ ଦଳୀୟ କର୍ମକର୍ତ୍ତାଙ୍କୁ ପରାମର୍ଶ ଦେଇଥିଲେ। ପ୍ରଧନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱାଧୀନ କେନ୍ଦ୍ର ସରକାରଙ୍କର ଗତ ସାଢେ ୯ବର୍ଷ ମଧ୍ୟରେ ବିଭିନ୍ନ ଉପଲବ୍ଧି ବିଶେଷ କରି ଗରିବ କଲ୍ୟାଣ ଯୋଜନା ଓ ବିକାଶମୂଳକ କାର୍ଯ୍ୟ ସଂପର୍କରେ ପ୍ରତି ପରିବାରକୁ ଅବଗତ କରାଇବା ଲାଗି ଶ୍ରୀ ପଣ୍ଡା ପରାମର୍ଶ ଦେଇଥିଲେ।
Comments are closed.