ବାଉଁଶୁଣି: ବୌଦ୍ଧ ବ୍ଲକର ବାଉଁଶୁଣି ଜାତୀୟ ଦିବସ ପାଳନ ପରିଚାଳନା କମିଟି ପକ୍ଷରୁ ସ୍ୱଚ୍ଛ ଭାରତ କାର୍ୟ୍ୟକ୍ରମ ପାଳିତ ହୋଇଛି। ବାଉଁଶୁଣି ଭୁବନେଶ୍ୱର ବାବା ଶିବ ମନ୍ଦିର, ବାଉଁଶୁଣି ଉଚ୍ଚ ବିଦ୍ୟାଳୟ ଖେଳ ପଡିଆରେ ସ୍ୱଚ୍ଛ ତା ହିଁ ସେବା ଉଦ୍ଦେଶ୍ୟରେ ଏକ ଘଣ୍ଟା ସଫେଇ କାର୍ୟ୍ୟରେ କମିଟିର ସଦସ୍ୟ ଶ୍ରମ ଦାନ କରିଥିଲେ। ସେହିପରି ତାଳସରଡ଼ା ଗ୍ରାମ ପଞ୍ଚାୟତ ଅନ୍ତର୍ଗତ ସଂଗ୍ରାମପୁର (ଉ.ପ୍ରା) ମଇ ବିଦ୍ୟାଳୟରେ ଭାରତ ସରକାରଙ୍କ ସ୍ୱଚ୍ଛ ଭାରତ ଅଭିଯାନ କାର୍ୟ୍ୟକ୍ରମ ପାଳିତ ହୋଇଛି। ଏହି କାର୍ୟ୍ୟକ୍ରମରେ ବିଦ୍ୟାଳୟର ସମସ୍ତ ଛାତ୍ର ଛାତ୍ରୀ ସାହାଜପାଲ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ, ଗଣେଶ ମନ୍ଦିର, ସଂଗ୍ରାମ ପୁର ପଞ୍ଚାୟତ ଉଚ୍ଚ ବିଦ୍ୟାଳୟ ପ୍ରର୍ୟ୍ୟନ୍ତ ସଫା ସୁତୁରା ରଖିଥିଲେ।
Comments are closed.