କଲମପୁର: ମଙ୍ଗଳବାର କଲମପୁର ବ୍ଲକ ବିଜେପି ପକ୍ଷରୁ କଲମପୁର ଏବଂ ଦେପୁର ପଂଚାୟତ ଠାରେ ରାଜ୍ୟ ସରକାରଙ୍କ ଦୁର୍ନିତୀ ଏବଂ ଭ୍ରଷ୍ଟାଚାର ବିରେଧରେ ବିକ୍ଷୋଭ ପ୍ରଦର୍ଶନ କରାଯାଇଛି। ପ୍ରଧାନମନ୍ତ୍ରୀ ଆବାସ ଯୋଜନା ମାଧ୍ୟମରେ ପ୍ରଦାନ କରାଯାଉଥିବା ଆର୍ଥିକ ସହାୟତାକୁ ପ୍ରକୃତ ହିତାଧିକାରୀଙ୍କ ବଦଳରେ ଦଳୀୟ କର୍ମୀଙ୍କୁ ପ୍ରଦାନ କରି ହଡପ କରୁଥିବା ଦେପୁର ଏବଂ କଲମପୁର ନିର୍ମାଲ୍ୟ କ୍ଷେତ୍ର ପରିସରରେ ଆୟୋଜିତ ପ୍ରତିବାଦ ସଭାରେ ଉପସ୍ତିତ ବିଜେପି ନେତୃମଣ୍ଡଳି ମତବ୍ୟକ୍ତ କରିଥିଲେ। କଲମପୁର ମଣ୍ଡଳ ସଭାପତି କମଳ ବାଗଙ୍କ ଅଧ୍ୟକ୍ଷତାରେ ଆୟୋଜିତ ଏହି ପ୍ରତିବାଦ ସଭାରେ ଜିଲ୍ଲା ସାଧାରଣ ସମ୍ପାଦକ ସୁଧିର ପାଟ୍ଟଯୋଷୀ, ଜିଲ୍ଲା ଯୁବ ମୋର୍ଚ୍ଚା ସଭାପତି ବିଜୟ ଦେବ ସାହୁ, ହରେକୃଷ୍ଣ ପଣ୍ଡା, ହିମାଂଶୁ ଶେଖର ପଣ୍ଡା, ଅପରେଶ ସ୍ୱାଇଁ, ସୁଧିର ବାଗ ପ୍ରମୁଖ ଉଦବୋଧନ ଦେଇଥିଲେ।
Popular Categories



