ପାଟଣା: ପାଟଣା ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ୟ୍ୟାଳୟ ପକ୍ଷରୁ ୪୦ଟି ବିଦ୍ୟାଳୟର ଜଣେ ଲେଖାଏଁ ଶିକ୍ଷକଙ୍କୁ ମୌଳିକ ସାକ୍ଷରତା ଓ ସଂଖ୍ୟା ଜ୍ଞାନ ତଥା ଶିକ୍ଷଣ ସାମଗ୍ରୀ ଉନ୍ନତିକରଣ କର୍ମଶାଳା ଅନୁଷ୍ଠିତ ହୋଇଯାଇଛି। ଗୋଷ୍ଠୀ ସଭା ଗୃହରେ ଅନୁଷ୍ଠିତ ଏହି କର୍ମଶାଳାରେ ମୁଖ୍ୟ ଅତିଥି ଭାବେ ସହକାରୀ ଗୋଷ୍ଠୀ ଶିକ୍ଷାଧିକାରୀ ସଚ୍ଚିଦାନନ୍ଦ ସେଠୀ, ସମ୍ମାନୀତ ଅତିଥି ଭାବେ ଅନ୍ୟତମ ସହକାରୀ ଗୋଷ୍ଠୀ ଶିକ୍ଷାଧିକାରୀ ବିଜୟ କୁମାର ଓଝା ଯୋଗ ଦେଇ ଶିକ୍ଷକ ମାନଙ୍କୁ କର୍ମଶାଳାର ଉଦେଶ୍ୟ ସମ୍ପର୍କରେ ସୂଚନା ଦେଇଥିଲେ।ପ୍ରଶିକ୍ଷକ ଭାବେ ନକୁଳ ପାତ୍ର, ସନ୍ତୋଷ କୁମାର ନାଏକ, ଜଗନ୍ନାଥ ମହାନ୍ତ ଓ ବିକାଶ କୁମାର ମହାନ୍ତ ଶିବିରାର୍ଥୀଙ୍କୁ ପ୍ରଶିକ୍ଷଣ ପ୍ରଦାନ କରିଥିଲେ। ଶିକ୍ଷକ ବିରମୋହନ ଦ୍ବିବେଦୀ, ଜ୍ୟୋତିର୍ମୟୀ ତ୍ରିପାଠୀ, କ୍ଷୀତିଶ କୁମାର ଦୀକ୍ଷିତ, ଶୈଳେନ୍ଦ୍ର ମହାନ୍ତ ଓ ବିଭୁତି ଭୂଷଣ ପ୍ରଧାନ ପ୍ରମୁଖ କର୍ମଶାଳା ପରିଚାଳନା କରିଥିଲେ।
Comments are closed.