ଅନୁଗୁଳ : ନାଲକୋ ଦ୍ୱାରା ୨୫ କୋଟି ବ୍ୟୟରେ ନିର୍ମିତ ଅତ୍ୟାଧୁନିକ ଚକ୍ଷୁ ଚିିକିତ୍ସାଳୟର ସୋମବାର କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶୁଭ ଉଦଘାଟନ କରିଛନ୍ତି। ଏଲ ବି ପ୍ରସାଦ ଆଇ ହସ୍ପିଟାଲ ନାଲକୋ ସିପିସି ପରିସରରେ ନିର୍ମିତ ଏହି ଡ଼ାକ୍ତରଖାନାକୁ ପରିଚାଳିତ କରିବେ। ଉଦଘାଟନୀ ସଭାରେ ମୁଖ୍ୟ ଅତିଥି ଭାବେ ଶ୍ରୀ ପ୍ରଧାନ ଯୋଗ ଦେବା ସହ କହିଥିଲେ ବହୁ କମ୍ପାନୀ ଶୁଭ ଦେଇ କାମ କରିପାରନ୍ତି ନାହିଁ। ମାତ୍ର ୩ ବର୍ଷ ତଳେ ଶୁଭ ଦେଇ ପ୍ରକଳ୍ପ କାର୍ଯ୍ୟ ଶେଷ କରି ଆଜି ଶୁଭ ଉଦଘାଟନ କରିଥିବାରୁ ନାଲକୋକୁ ଧନ୍ୟବାଦ ଜଣାଇଛନ୍ତି। ଏହା ଦ୍ୱାରା ସ୍ଥାନୀୟ ଅଧିବାସୀ ମାନଙ୍କୁ ଚକ୍ଷୁର ସମସ୍ତ ଅତ୍ୟାଧୁନିକ ସେବା ଏଠାରେ ମିଳିବ ବୋଲି ମଧ୍ୟ ଶ୍ରୀ ପ୍ରଧାନ କହିଛନ୍ତି। ଉଦଘାଟନୀ ସଭାରେ ନାଲକୋର ସି ଏମ ଡ଼ି ତପନ କୁମାର ଚାନ୍ଦ, ଇ ଡ଼ି ଆର କେ ମିଶ୍ର ଓ ପୂର୍ବତନ ସାଂସଦ ରୁଦ୍ରନାରାୟଣ ପାଣି ପ୍ରମୁଖ ଉପସ୍ଥତି ଥିଲେ।ଏହି ଅବସରରେ ୨ ଜଣଙ୍କୁ ହୁଇଲ ଚେୟାର ଓ ୨ ଜଣଙ୍କୁ ଶ୍ରବଣ ଯନ୍ତ୍ର ପ୍ରଦାନ କରାଯାଇଥିଲା।
Popular Categories
Previous article
Next article