ଆଠଗଡ଼/ବଡମ୍ବା: ଅବକାରୀ କେନ୍ଦ୍ରୀୟ ଗୁଇନ୍ଦା ସଂସ୍ଥା ପକ୍ଷରୁ ଶୁକ୍ରବାର ବଡମ୍ବା ଥାନା ଅନ୍ତର୍ଗତ ସୁନାପାଳ ଅଞ୍ଚଳରେ ଚଢାଉ କରାଯାଇ ୧୦୯ଗ୍ରାମ ବ୍ରାଉନସୁଗାର ଜବତ କରାଯିବା ସହ ଏଥିରେ ସଂପୃକ୍ତ ଜଣେ ଅଭିଯୁକ୍ତକୁ ଗିରଫ କରାଯିବା ସହ ଏକ ପଲସର ବାଇକ ଜବତ କରାଯାଇଥିବା ଜଣାପଡ଼ିଛି। ବଡମ୍ବା ସୁନାପାଳସ୍ଥିତ ଡିଏଭି ସ୍କୁଲ ପାଖରେ ନିୟମିତ ଧଳାଜହର ବିକ୍ରି ହେଉଥିବା ସୂଚନା ମିଳିଥିଲା। ସେହି ଆଧାରରେ ଅବକାରୀ ଗୁଇନ୍ଦାସଂସ୍ଥା ସେଠାରେ ଆଜି ଅତର୍କିତ ଚଢାଉ କରି ବଡମ୍ବା ଥାନା ଅନ୍ତର୍ଗତ ଇଚ୍ଛାପୁର ଗ୍ରାମର ୰କୈଳାସ ଚନ୍ଦ୍ର ମହାନ୍ତିଙ୍କ ପୁଅ ସଂଗ୍ରାମ ମହାନ୍ତିଙ୍କଠାରୁ ୧୦୯ଗ୍ରାମ ବ୍ରାଉନ ସୁଗାର ଜବତ କରାଯାଇଥିଲା। ଯାହାର ଆନୁମାନିକ ମୂଲ୍ୟ ୧୦.୯୦ଲକ୍ଷ ଟଙ୍କା ହେବ ବୋଲି ବିଭାଗୀୟ ସୁତ୍ରରୁ ପ୍ରକାଶ। ଏଥିସହ ଅଭିଯୁକ୍ତ ସଂଗ୍ରାମ ବ୍ୟବହାର କରୁଥିବା ପଲସର ବାଇକ କୁ ଜବତ କରିବା ସହ ତାଙ୍କୁ ଗିରଫ କରି ଆଠଗଡ଼ ଏସଡିଜେଏମଙ୍କ ଅଦାଲତରେ ହାଜର କରାଯାଇଥିଲା। ଜାମିନ ନାମଞ୍ଜୁର ହେବାରୁ ତାଙ୍କୁ ଖୁଣ୍ଟୁଣୀସ୍ଥିତ ସ୍ୱତନ୍ତ୍ର କାରାଗାରକୁ ପଠାଇ ଦିଆଯାଇଥିବା ଜଣାପଡ଼ିଛି।
Popular Categories
Previous article
Next article