ପାଟଣା: ଘଟଗାଁ ବ୍ଲକ ଅନ୍ତର୍ଗତ ପିପିଳିଆ ଠାରେ ଘଟଗାଁ ବ୍ଲକ ମିଶନ ଶକ୍ତି ପକ୍ଷରୁ ମହିଳା ସ୍ଵଂୟ ସହାୟକ ଗୋଷ୍ଠୀ ମାନଙ୍କ ନିମନ୍ତେ ବ୍ୟାଙ୍କ ଋଣ ଓ ସୁଧ ଫେରସ୍ତ ସମ୍ବନ୍ଧୀୟ ଏକ କର୍ମଶାଳା ଆଜି ଅନୁଷ୍ଠିତ ହୋଇଯାଇଛି। ମିଶନ ଶକ୍ତି ବ୍ଲକ ପ୍ରକଳ୍ପ ସଂଯୋଜକ ଯଜ୍ଞବଲ୍କ ନାୟକଙ୍କ ସଂଯୋଜନାରେ ଅନୁଷ୍ଠିତ କର୍ମଶାଳାରେ ମୁଖ୍ୟ ଅତିଥି ଭାବେ ଘଷିପୁରା ବିଧାୟକ ବଦ୍ରିନାରାୟଣ ପାତ୍ର ଯୋଗ ଦେଇଥିଲେ। ଏଥିରେ ବ୍ୟାଙ୍କ ଋଣ ଗ୍ରହଣ ଓ ଋଣ ଫେରସ୍ତ, ମତ୍ସ୍ୟ ଚାଷ, ପ୍ରାଣୀ ସମ୍ପଦ ପାଳନ, ଉଦ୍ୟାନ କୃଷି, ଜିଆ ଖତ ପ୍ରସ୍ତୁତି, ଧାନ ଚାଷ ଆଦି ସମ୍ପର୍କରେ ଅତିଥିଗଣ ମାର୍ଗ ଦର୍ଶନ ଦେଇଥିବା ବେଳେ ପିପିଳିଆ ସରାସପଶି ଓ ବଡ଼ପିଛୁଳା ପଞ୍ଚାୟତରୁ ୪ ଶହ ଏସଏଚଜି ମହିଳା କାର୍ଯ୍ୟକ୍ରମରେ ଯୋଗ ଦେଇଥିଲେ।
କାର୍ଯ୍ୟକ୍ରମରେ ସମ୍ମାନୀତ ଅତିଥି ଭାବେ ବ୍ଲକ ଅଧ୍ୟକ୍ଷା ଗୀତାଞ୍ଜଳି ନାୟକ, ଜିଲ୍ଲା ପରିଷଦ ସଦସ୍ୟା ଯାଜ୍ଞସେନି ମହାନ୍ତ, ଜିଲ୍ଲା ପରିଷଦ ସଦସ୍ୟ ସୁରେନ୍ଦ୍ର ଜେନା, ପିପିଳିଆ ସରପଞ୍ଚ ଗୋଲାପ ନାୟକ, ବ୍ଲକ ଫେଡେରେସନ ସଭାପତି ସାଧନା ମହାକୁଡ଼, ସମ୍ପାଦିକା ସୁମିତ୍ରା ମହାନ୍ତ, ବିଭିଓ ସୁଶାନ୍ତ କୁମାର ସିଂହ, ବ୍ଲକ କୃଷି ଅଧିକାରୀ ରାଜେନ୍ଦ୍ର ଦାସ, ସହକାରୀ ମତ୍ସ୍ୟ ଅଧିକାରୀ ଗୋପାଳ ଚନ୍ଦ୍ର ରାଉତ, ବନବିଭାଗ ଜିଲ୍ଲା ସଂଯୋଜକ ନିର୍ମଳ କୁମାର ସାହୁ ପ୍ରମୁଖ ଯୋଗ ଦେଇଥିଲେ।
Comments are closed.