କେନ୍ଦୁଝରଗଡ଼: ସଦର ଥାନା ଅଧିନ ଗୁହାଲଡିହି ରେଳ ସାଇଡିଂରେ କାର୍ଯ୍ୟାଦେଶ ପ୍ରଦାନ ଦାବିରେ ଗୁହାଲଡିହି ରେଳ ସାଇଡିଂ କଲ୍ୟାଣ ପରିଷଦ ଶନିବାର ଜିଲା ପ୍ରଶାସନର ଦ୍ୱାରସ୍ଥ ହୋଇଛନ୍ତି। ଉକ୍ତ ରେଳ ସାଇଡିଂରେ ପରିବହନ କାର୍ଯ୍ୟରେ ପ୍ରକଳ୍ପ ପାଇଁ ଜମିହରା ପ୍ରଜାଙ୍କୁ କାର୍ଯ୍ୟାଦେଶ ଦାବିରେ ୨୦୨୦ରେ ଜମିହରାଙ୍କ ପକ୍ଷରୁ ଆନ୍ଦୋଳନ ହୋଇଥିଲା। ଜମିହରାଙ୍କୁ ନ୍ୟାୟ ପ୍ରଦାନ ପରିବର୍ତ୍ତେ ମିଥ୍ୟା କମଦ୍ଦମାରେ ପୁଲିସ ଗିରଫ କରି ଜେଲ ହାଜତକୁ ପଠାଇବା ନେଇ ମାନବାଧିକାରକର୍ମୀ ପ୍ରଦୀପ୍ତ କୁମାର ନାୟକ ଓଡ଼ିଶା ମାନବାଧିକାର ଆୟୋଗଙ୍କ ନିକଟରେ ଫେରାଦ ହୋଇଥିଲେ। ୧୨୭୯/୨୦୨୦ ଯୋଗେ ମାନବାଧିକାର ଆୟୋଗ ପକ୍ଷରୁ ଅଭିଯୋଗକୁ ଗ୍ରହଣ କରାଯାଇ ୨୫ ଅପ୍ରେଲ ୨୦୨୩ରେ ଚୂଡାନ୍ତ ରାୟରେ ମାନବାଧିକାର ଆୟୋଗ ପକ୍ଷରୁ ଜିଲା ଶ୍ରମ ଅଧିକାରୀ ଓ ଉକ୍ତ ରେଳ ସାଇଡିଂରେ କାର୍ଯ୍ୟ କରୁଥିବା କମ୍ପାନୀ କର୍ତ୍ତୃପକ୍ଷଙ୍କୁ ନେଇ ଜିଲାପାଳ ୨ମାସ ମଧ୍ୟରେ ଜମିହରାଙ୍କୁ ନ୍ୟାୟ ପ୍ରଦାନ କରିବାକୁ ରାୟରେ ଉଲ୍ଲେଖ କରିଥିଲେ। ଇତିମଧ୍ୟରେ ମାନବାଧିକାର ଆୟୋଗଙ୍କ ଆଦେଶ ମୁତାବକ ୨ମାସ ସମୟ ଅତିକ୍ରମ କରିଥିଲେ ହେଁ ପ୍ରଶାସନ ପକ୍ଷରୁ କୌଣସି ପଦକ୍ଷେପ ଗ୍ରହଣ କରାନଯିବାରୁ ଶନିବାର ଗୁହାଲଡିହି ରେଳ ସାଇଡିଂ କଲ୍ୟାଣ ପରିଷଦ ସଭାପତି ନବଘନ ମାଝୀ ଓ ସମ୍ପାଦକ ଟୁବୁଲୁ ମାଝୀଙ୍କ ନେତୃତ୍ୱରେ ଶତାଧିକ ଜମିହରା ଜିଲା ପ୍ରଶାସନର ଦ୍ୱାରସ୍ଥ ହୋଇ ତୁରନ୍ତ ନ୍ୟାୟ ପ୍ରଦାନ କରିବାକୁ ନିବେଦନ କରିଛନ୍ତି। ରେଳ ସାଇଡିଂ ପାଇଁ ଜମିହରାଙ୍କୁ ତୁରନ୍ତ ନ୍ୟାୟ ପ୍ରଦାନ କରାନଗଲେ ଆଗାମୀ ଦିନରେ ଜମିହରାଙ୍କ ପକ୍ଷରୁ ବ୍ୟାପକ ଆନ୍ଦୋଳନାତ୍ମକପନ୍ଥା ଗ୍ରହଣ କରାଯିବ ବୋଲି ମାନବାଧିକାରକର୍ମୀ ଶ୍ରୀ ନାୟକ, ରାଜ୍ୟ ସିଟୁ ଉପସଭାପତି ଇନ୍ଦ୍ରମଣି ବେହେରା ଓ କମ୍ୟୁନିଷ୍ଟ ନେତା ପୂର୍ଣ୍ଣଚନ୍ଦଅ୍ର ରାଉତ ଅତିରିକ୍ତ ଜିଲାପାଳ ଯଦୁମଣି ମହଲାଙ୍କୁ ଭେଟି ଦାବିପତ୍ର ପ୍ରଦାନ ଅବସରରେ ଏହା କହିଛନ୍ତି।
Popular Categories
Previous article
Next article