କାଲିମେଳା : ମାଲକାନଗିରି ଜିଲା କାଲିମେଳା ବ୍ଲକ ଅନ୍ତର୍ଗତ ଥାନା ଅଞ୍ଚଳରେ ରାସ୍ତାରେ ଯାଉଥିବା ଜଣେ ବିଧବା ମହିଳାଙ୍କୁ ଦୁଇ ଜଣ ଯୁବକ ବଳାତ୍କାର ଉଦ୍ୟମ କରିଥିବା ଅଭିଯୋଗ ହୋଇଛି। ଏମଭି -୭୯ ଥାନାରେ ଏହି ଅଭିଯୋଗ ହୋଇଛି। ଏହି ଘଟଣାରେ ସମ୍ପୃକ୍ତ ଜଣେ ଯୁବକୁ ଥାନାରେ ଅଟକ ରଖାଯିବା ସହ ଅନ୍ୟ ଜଣେ ଫେରାର ହୋଇଯାଇଥିବା ଜଣାପଡ଼ିଛି।
ସୂଚନା ଅନୁଯାୟୀ, ଟିଗଲ ଅଞ୍ଚଳର ଜଣେ ଆଦିବାସୀ ମହିଳା ଶନିବାର ଦିବା ସମୟରେ ନିଜ ଗ୍ରାମରୁ କାଲିମେଳା ଅଭିମୁଖେ ଆସୁଥିଲେ। ଏହି ସମୟରେ ଏମଭି – ୭୯ ଥାନା ଅନ୍ତର୍ଗତ ଭୁବନପାଲ୍ଲୀ ପଞ୍ଚାୟତର ଏମଭି – ୯୬ ଗ୍ରାମର ଦୁଇ ଯବକ ବିଧାନ ସୁତାର ଓ ଉମା ଚରଣ ବରେଇ ଲିଫ୍ଟ ଦେବା ବାହାନାରେ ନିଛାଟିଆ ସ୍ଥାନକୁ ନେଇ ତାଙ୍କ ସହ ଅସଦାଚରଣ କରିଥିବା ଅଭିଯୋଗ ହୋଇଛି। ଏନେଇ ମହିଳା ଥାନା ମଙ୍ଗଳବାର ଦିନ ଲିଖିତ ଅଭିଯୋଗ କରିବା ପରେ ପୁଲିସ ଉମା ଚରଣ ବରେଇ ଅଟକ ରଖି ପଚରାଉଚରା କରୁଛି। ଅନ୍ୟ ଜଣେ ଯୁବକ ବିଧାନ ସୁତାର ଫେରାର ହୋଇଯାଇଥିବା ଥାନା ଆଇଆଇସି ରଞ୍ଜନ କୁମାର ସାହୁ ସୂଚନା ଦେଇଛନ୍ତି।
ମହିଳାଙ୍କୁ ବଳାତ୍କାର ଉଦ୍ୟମ ଅଭିଯୋଗ, ଜଣେ ଅଟକ ଜଣେ ଫେରାର
Popular Categories
Previous article
Next article