କେନାଲ ନିର୍ମାଣ କାମ ବନ୍ଦ କଲେ ଗ୍ରାମବାସୀ

କଲମପୁର: ଦୁଇ ବର୍ଷ ଧରି ଚାଲିଛି ଇନ୍ଦ୍ରାବତୀ ଦକ୍ଷିଣ ମୁଖ୍ୟ କେନାଲର ନିର୍ମାଣ କାର୍ଯ୍ୟ। ମଙ୍ଗଳପୁର ହାତୀ ବ୍ୟାରେଜ ଠାରୁ ୪୩ କିଲୋମିଟର ପର୍ଯ୍ୟନ୍ତ ପ୍ରଥମ ପର୍ଯ୍ୟାୟର ଲାଇନିଂ କାର୍ଯ୍ୟ ଜାରି ରହିଛି। ବର୍ତମାନ ଏହି କେନାଲ ନିର୍ମାଣ କାର୍ଯ୍ୟ ସମ୍ପାଦିତ ହେବା ପରେ କେନାଲ ପାଣିର ସ୍ରୋତ ତୀବ୍ର ରହିବ। ଯାହା ଜନ ଜୀବନ ଏବଂ ଗୋ ସମ୍ପଦ ସମେତ ଅନ୍ୟ ପ୍ରାଣୀ ମାନଙ୍କ ପାଇଁ ବିପଦ ସୃଷ୍ଟି ହେବାର ଆଶଙ୍କାକୁ ଏଡାଇ ଦିଆଯାଇ ନପାରେ। ତେଣୁ କେନାଲରର କୂଳକୁ ଲାଗି ରହିଥିବା ଜନ ବସତି ନିକଟରେ ଉଦ୍ଧାର କାର୍ଯ୍ୟ ପାଇଁ ଆଗୁଆ ପଦକ୍ଷେପ ସ୍ୱରୁପ କିଛି ପଦକ୍ଷେପ ନେବା ଆବଶ୍ୟକ ରହିଛି। ବିଶେଷ କରି ଗାଁ ମାନଙ୍କ ନିକଟରେ ଗାଧୁଆତୁଠ ପାହୁଚ ନିର୍ମାଣ କରାଗଲେ ହୁଏତଃ ପାଣି ସ୍ରୋତରେ ଭାସି ଯାଉଥିବା ଲୋକଙ୍କୁ ସୁରକ୍ଷା ଦିଆଯାଇ ପାରିବ। ତେଣୁ ଇନ୍ଦ୍ରାବତୀ ଦକ୍ଷିଣ ମୁଖ୍ୟ କେନାଲର ବନ୍ଧକନା ପାଣି ଟାଙ୍କି ବଜାରପଡ଼ା ଠାରେ ଦୁଇଟି ଗାଧୁଆ ତୁଠ ପାହୁଚ ନିର୍ମାଣ ଦାବି ନେଇ କେନାଲ ନିର୍ମାଣ କାର୍ଯ୍ୟକୁ ବନ୍ଦ କଲେ ଗ୍ରାମବାସୀ।

Comments are closed.