ପୂର୍ବତନ ପ୍ରଧାନମନ୍ତ୍ରୀଙ୍କ ଚରିତ୍ର ସଂହାର ମାମଲା, ୱେବ୍‌‌ ପୋର୍ଟାଲ ବିରୋଧରେ ଛାତ୍ର କଂଗ୍ରେସର ମାମଲା ରୁଜ୍ଜୁ

କେନ୍ଦୁଝରଗଡ଼: ପୂର୍ବତନ ପ୍ରଧାନମନ୍ତ୍ରୀ ଭାରତରତ୍ନ ଇନ୍ଦିରା ଗାନ୍ଧୀଙ୍କ ବିରୋଧରେ ଏକ ୱେବ୍‌‌ ପୋର୍ଟାଲରେ ମିଥ୍ୟା ଓ ଚରିତ୍ର ସଂହାର ହେବାଭଳି ଖବର ପ୍ରସାରଣ ହୋଇଥିବାରୁ ଏହା ସ୍ୱର୍ଗତ ଗାନ୍ଧୀଙ୍କ ପ୍ରତି ଅପମାନ ଓ ସମ୍ମାନହାନୀ ହୋଇଛି ବୋଲି କଂଗ୍ରେସ ଦଳ ପକ୍ଷରୁ ଘୋର ନିନ୍ଦା କରାଯାଇଛି। ଉକ୍ତ ଚ୍ୟାନେଲ ବିରୋଧରେ ଏଥିପାଇଁ ସାରା ରାଜ୍ୟରେ କଂଗ୍ରେସ ଦଳ ପକ୍ଷରୁ ପ୍ରତିବାଦ କରାଯିବା ସହ କେନ୍ଦୁଝର ଜିଲା ଛାତ୍ର କଂଗ୍ରେସ କମିଟି ପକ୍ଷରୁ ଶନିବାର ଟାଉନ ଥାନାରେ ଏକ ମାମଲା ଦାଏର କରାଯାଇଛି। ଜିଲା ଛାତ୍ର କଂଗ୍ରେସ ସଭାପତି ଶୁଭମ ରାଜ ଟାଉନ ଥାନା ଅଧିକାରୀ ସୁନୀଲ କରଙ୍କୁ ଦେଇଥିବା ଏତଲାରେ ଉକ୍ତ ପୋର୍ଟାଲ ଚ୍ୟାନେଲର କର୍ତ୍ତୃପକ୍ଷଙ୍କୁ ତୁରନ୍ତ ଗିରଫ ସହ ମିଥ୍ୟା ଖବର ପ୍ରସାରଣ ପାଇଁ ସର୍ବସାଧାରଣରେ କ୍ଷମା ପ୍ରାର୍ଥନା କରିବାକୁ ସେ ଦାବି କରିଛନ୍ତି। ପିସିସି ସାଧାରଣ ସମ୍ପାଦକ ଆଲୋକ ମିଶ୍ର, ପିସିସି ସମ୍ପାଦକ ସଂଗ୍ରାମ ଦାସ, ଜିଲା ଯୁବ କଂଗ୍ରେସ ସଭାପତି ସୁନେଶ ଧୀର, ପାଟଣା ବିଧାୟକ ପ୍ରାର୍ଥୀ ବିନୋଦ ବିହାରୀ ନାୟକ, ପିସିସି ସଭ୍ୟ ଲଳିତ ମୋହନ ନାୟକ, ସଦର ବ୍ଲକ ସଭାପତି ଉତ୍ତମ କୁମାର ସାହୁ, ବରିଷ୍ଠ ନେତା ରତ୍ନାକର ଜେନା, ଯୁବ ନେତା ସୌମ୍ୟରଞ୍ଜନ ରାଉତ, ଏସ୍‌‌. ଶକ୍ତିସ୍ୱରୂପ, ସୌମ୍ୟରଞ୍ଜନ ପଲେଇ ପ୍ରମୁଖ ଉପସ୍ଥିତ ଥିଲେ।

Comments are closed.