କାମାକ୍ଷାନଗର: କାମାକ୍ଷାନଗର ଥାନା ଅନ୍ତର୍ଗତ ଜିରିଡାମାଳୀ – କଙ୍କଡ଼ାହାଡ଼ ରାସ୍ତାର ବାଇପାସ ଛକ ଠାରେ ମଙ୍ଗଳବାର ଅପରାହ୍ନରେ ଏକ ଟ୍ରକ ଧକ୍କାରେ ୨ ଜଣ ସାଇକେଲ ଆରୋହୀ ଗୁରୁତର ଭାବେ ଆହତ ହୋଇଛନ୍ତି। ଆହତ ଦୁଇ ଜଣ ହେଉଛନ୍ତି ସନ୍ନିକଟ କାନପୁରା ପଞ୍ଚାୟତର ଭାଲୁମୁଣ୍ଡା ଗ୍ରାମର ଇନ୍ଦ୍ରମଣି ପଧାନ ଓ ବିଦେଶୀ ପାତ୍ର। ଭାଲୁମୁଣ୍ଡା ଗ୍ରାମର ଇନ୍ଦ୍ରମଣି ପଧାନ ଓ ବିଦେଶୀ ପାତ୍ର ଜିରିଡାମାଳୀରୁ କାମ ସାରି ଏକ ସାଇକେଲରେ ଯାଉଥିଲେ। ବାଏପାସ ଛକଠାରେ ଏକ ଦ୍ରୁତଗାମୀ ବାର ଚକିଆ ଟ୍ରକ ଧକା ଦେଇଥିଲା। ଫଳରେ ଉଭୟ ଗୁରୁତର ଭାବେ ଆହତ ହୋଇ ପଡ଼ିଥିଲେ। ସେମାନଙ୍କୁ ଉପଖଣ୍ଡ ଚିକିତ୍ସାଳୟରେ ଭର୍ତି କରାଯାଇଥିଲା।
Comments are closed.