କଣ୍ଟାବାଞ୍ଜି: କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା ଅଚାନକ କଣ୍ଟାବାଞ୍ଜି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପରିଦର୍ଶନ କରିଥିଲେ। ତାଙ୍କ ପରିଦର୍ଶନରେ ରୋଗୀ ସେବା ସହିତ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ହେଉଥିବା ଉନ୍ନତିମୂଳକ କାର୍ୟ୍ୟର ମଧ୍ୟ ତର୍ଜମା କରିଥିଲେ। ତାହା ସହିତ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଏକ୍ସରେ ମେସିନ, ଲେବ ଟେକ୍ନିସିଅନ, ନୂତନ ଗୃହ ନବୀକରଣ ଓ ରୋଗୀଙ୍କ ସୁବିଧା ଅସୁବିଧା ବୁଝିଥିଲେ। ସ୍ଥାନୀୟ ହସ୍ପିଟାଲର ପ୍ରମୁଖ ଡ଼ା. ଏସ୍ ପି ଡ଼ି ପଣ୍ଡାଙ୍କ ସହ କଣ୍ଟାବାଞ୍ଜି ହସ୍ପିଟାଲରେ ଆସୁଥିବା ସମସ୍ୟା ଓ ତାର ଦୂରୀକରଣକୁ ନେଇ ମଧ୍ୟ କିଛି ସମୟ ଚର୍ଚ୍ଚା କରିଥିଲେ। କିଛି ଦିନ ପୂର୍ବରୁ କଣ୍ଟାବାଞ୍ଜି ହସ୍ପିଟାଲରେ ହୋଇଥିବା ଶିଶୁ ମୃତ୍ୟୁ ଅଭିଯୋଗ ସମ୍ପର୍କରେ ପଚାରି ବୁଝିଥିଲେ। କଣ୍ଟାବାଞ୍ଜ ରେ ୧୭ ଜଣ ଡାକ୍ତର ବଦଳରେ ବର୍ତ୍ତମାନ ୧୦ ଜଣ ଡାକ୍ତରଙ୍କ ଉପରେ ଅଛି ସମସ୍ତ କାର୍ୟ୍ୟଭାର ବୋଲି ଡା. ପଣ୍ଡା କହିଥିଲେ। ତେବେ ବିଧାୟକ କହିଛନ୍ତି ଯେ ଯଥାଶୀଘ୍ର ଖାଲିଥିବା ଡାକ୍ତର ପଦବୀ ପୂରଣ ଦିଗରେ ସେ ଚେଷ୍ଟା କରିବେ।
Comments are closed.