ଆବୁଧାବି: ଆଫଗାନିସ୍ତାନ ଠାରୁ ନ୍ୟୁଜିଲାଣ୍ଡ ଜିତିବା ପରେ ବାଦ ପଡ଼ିଲା ଭାରତ। ଚଳିତ ଟି-୨୦ ବିଶ୍ବକପରେ ଶେଷ ହେଲା ଭାରତର ଅଭିଯାନ। ୧୨୫ ରନର ସହଜ ଟାର୍ଗେଟକୁ ୨ ୱିକେଟ ହରାଇ ବିଜୟ ହାସଲ କଲା ନ୍ୟୁଜିଲାଣ୍ଡ। ବିଜୟ ସହ ସେମି ଫାଇନାଲକୁ ଗଲା ନ୍ୟୁଜିଲାଣ୍ଡ। ଗ୍ରୁପ ୨ରୁ ପାକିସ୍ତାନ ସହ ସେମିକୁ ଗଲା ନ୍ୟୁଜିଲାଣ୍ଡ। ଆସନ୍ତାକାଲି ଭାରତ ଗ୍ରୁପ ମ୍ୟାଚରେ ନାମିବ୍ୟାକୁ ଭେଟିବ।
ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ପୁରୁଷ ଟି-୨୦ ବିଶ୍ୱକପ୍ର ଅନ୍ୟତମ ଏକ ଗୁରୁତ୍ୱପୂର୍ଣ୍ଣ ମୁକାବିଲାରେ ରବିବାର ଆଫ୍ଗାନିସ୍ତାନକୁ ନ୍ୟୁଜିଲାଣ୍ଡ ୮ ୱିକେଟ୍ରେ ପରାସ୍ତ କରିଛି। ଏଥି ସହିତ ନ୍ୟୁଜିଲାଣ୍ଡ ୪ର୍ଥ ଟିମ୍ ଭାବେ ଚଳିତ ଟୁର୍ଣ୍ଣାମେଣ୍ଟର ସେମିଫାଇନାଲ୍କୁ ପ୍ରବେଶ କରିଛି। ପୂର୍ବରୁ ପାକିସ୍ତାନ, ଇଂଲଣ୍ଡ ଓ ଅଷ୍ଟ୍ରେଲିଆ ସେମିଫାଇନାଲରେ ପହଞ୍ଚି ସାରିଛନ୍ତି। ଗ୍ରୁପ-୨ର ସୁପର-୧୨ ମୁକାବିଲାରେ ନ୍ୟୁଜିଲାଣ୍ଡ ଓ ଆଫ୍ଗାନିସ୍ତାନ ମୁହାଁମୁହିଁ ହୋଇଥିଲେ। ଆଫ୍ଗାନିସ୍ତାନ ଟସ୍ ଜିଣି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା। ଦଳ ୨୦ ଓଭରରେ ୮ଟି ଓ୍ଵିକେଟ୍ ହରାଇ ୧୨୪ ରନ୍ କରିଥିଲା। ଫଳରେ ନ୍ୟୁଜିଲାଣ୍ଡକୁ ଏହି ମ୍ୟାଚ୍ ବିଜୟ ପାଇଁ ୧୨୫ ରନ୍ର ଲକ୍ଷ୍ୟ ମିଳିଥିଲା।
