ନବବର୍ଷ ୨୦୨୪ ଆସିବାକୁ ଅଳ୍ପ ଦିନ ବାକି ରହିଛି। ସଭିଏଁ ଇଚ୍ଛା କରି ଥାଆନ୍ତି ନବବର୍ଷ ସେମାନଙ୍କ ପାଇଁ ସୁଖମୟ ହେଉ। ଏଥିପାଇଁ ଲୋକେ ନୂଆ ବର୍ଷରେ ଅନେକ ଜିନିଷ ଘରକୁ ଆଣି ଥାଆନ୍ତି। ଯାହା ଅନେକ ଶୁଭଫଳ ପ୍ରଦାନ କରିଥାଏ। ତେବେ ନବବର୍ଷ ସୁଖସମୃଦ୍ଧି ଓ ଶୁଭମୟ ହେବା ପାଇଁ କିଛି ସହଜ ଉପାୟ ପ୍ରତି ଧ୍ୟାନ ଦିଅନ୍ତୁ। ବାସ୍ତୁ ଅନୁଯାୟୀ ଏହି ଉପାୟ ଦ୍ୱାରା ଟଙ୍କାର ଅଭାବ ଦୂର ହେବା ସହ ଜୀବନରେ ଥିବା ଅନେକ ସମସ୍ୟା ଦୂର ହୋଇଥାଏ।
ବାସ୍ତୁ ଅନୁଯାୟୀ,ତୁଳସୀ ବୃକ୍ଷ ଖୁବ୍ ଶୁଭ। ନୂଆବର୍ଷରେ ଘରକୁ ତୁଳସୀ ବୃକ୍ଷ ନିଶ୍ଚୟ ଆଣନ୍ତୁ। ଏହାଦ୍ୱାରା ଜୀବନ ସୁଖମୟ ହେବ। ଆର୍ଥିକ ସମସ୍ୟା ମଧ୍ୟ ଦୂର ହେବ।
ମୟୁରପୁଚ୍ଛ ଭଗବାନ ଶ୍ରୀକୃଷ୍ଣଙ୍କୁ ଖୁବ୍ ପ୍ରିୟ। ମାନ୍ୟତା ଅନୁଯାୟୀ,ଯେଉଁ ଘରେ ମୟୁରପୁଚ୍ଛ ଥାଏ, ସେଠାରେ ମା’ଲକ୍ଷ୍ମୀ ସର୍ବଦା ବାସ କରନ୍ତି। ତେଣୁ ଘରକୁ ମୟୁରପୁଚ୍ଛ ନିଶ୍ଚୟ ଆଣନ୍ତୁ।
ସେହିପରି ନୂଆବର୍ଷରେ ଘରକୁ ଚାନ୍ଦି କଇଁଛ ନିଶ୍ଚୟ ଆଣନ୍ତୁ। ନୂଆବର୍ଷରେ ଏହାକୁ ଘରକୁ ଆଣିବା ଦ୍ୱାରା ସୁଖସମୃଦ୍ଧି ବୃଦ୍ଧି ହୋଇଥାଏ।
ଶଙ୍ଖ ଖୁବ୍ ପବିତ୍ର ଓ ପୂଜନୀୟ। ଘରେ ଶଙ୍ଖ ରଖିବା ଦ୍ୱାରା ଘରେ ସୁଖସମୃଦ୍ଧିର ଆଗମନ ହୋଇଥାଏ। ବାସ୍ତୁ ଅନୁଯାୟୀ ଘରକୁ ଶଙ୍ଖ ଆଣିବା ଦ୍ୱାରା ଆର୍ଥିକ କ୍ଷେତ୍ରରେ ଲାଭ ମିଳିଥାଏ।
ବାସ୍ତୁ ଅନୁଯାୟୀ ନବବର୍ଷରେ ଘରକୁ ଲାଫିଙ୍ଗ ବୁଦ୍ଧ ଆଣିପାରିବେ। ଏହା ଦ୍ୱାରା ଘରକୁ ଖୁସିର ଆଗମନ ହେବା ସହ ଘରେ ସର୍ବଦା ହସଖୁସିର ବାତାବରଣ ରହିଥାଏ। ଏହାକୁ ଘରର ବୈଠକ ଘରେ (ଡ୍ରଇଂ) ରୁମ୍ରେ ରଖନ୍ତୁ। ଏହାକୁ ସଠିକ୍ ଦିଗରେ ରଖିବା ଦ୍ୱାରା ଘରେ ଆଦୌ ଟଙ୍କାର ଅଭାବ ହୋଇନଥାଏ।
Comments are closed.