ଓଡ଼ିଶାରେ ନୂଆ ୬୨୧୫ କୋଭିଡ ସଂକ୍ରମିତ ଚିହ୍ନଟ; ଖୋର୍ଦ୍ଧାରୁ ସର୍ବାଧିକ ୯୫୦ ସଂକ୍ରମିତ; ୮ ମୃତ

ଭୁବନେଶ୍ୱର: ଓଡ଼ିଶାରେ ଗତ ୨୪ ଘଣ୍ଟା ମଧ୍ୟରେ ୬୨୧୫ ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି। ନୂଆ ସଂକ୍ରମିତଙ୍କ ମଧ୍ୟରୁ ଖୋର୍ଦ୍ଧା ଜିଲାରୁ ସର୍ବାଧିକ ୯୫୦ ଜଣ ରହିଛନ୍ତି। ସଂକ୍ରମିତ ୬୨୧୫ ଜଣଙ୍କ ମଧ୍ୟରୁ କ୍ୱାରାଣ୍ଟାଇନରୁ ୩୬୦୪ ଜଣ ଚିହ୍ନଟ ହୋଇଥିବାବେଳେ ସ୍ଥାନୀୟ ସଂକ୍ରମିତଙ୍କ ସଂଖ୍ୟା ୨୬୧୧ ରହିଛି। କରୋନା ଆକ୍ରାନ୍ତଙ୍କ ମଧ୍ୟରୁ ୮ ଜଣଙ୍କର ମୃତ୍ୟୁ ଘଟିଛି। ଗଞ୍ଜାମ ଓ କଳାହାଣ୍ଡିରୁ ୨ ଜଣ ଲେଖାଏଁ ପ୍ରାଣ ହରାଇଥିବାବେଳେ ବାଲେଶ୍ବର, ବଲାଙ୍ଗିର, କନ୍ଧମାଳ, ଖୋର୍ଧାରୁ ଜଣେ ଲେଖାଏଁ ମୃତ ବୋଲି ଜଣାଯାଇଛି। ଏଥିସହିତ ରାଜ୍ୟରେ କରୋନା ଆକ୍ରାନ୍ତ ମୃତ୍ୟୁସଂଖ୍ୟା ୧୯୭୩କୁ ବୃଦ୍ଧିପାଇଛି।

ଗତ ୨୪ ଘଣ୍ଟା ମଧ୍ୟରେ ଅନୁଗୁଳରୁ ୧୭୩, ବାଲେଶ୍ୱର ୭୯, ବରଗଡ ୨୬୮, ଭଦ୍ରକ ୮୬, ବଲାଙ୍ଗୀରରୁ ୨୧୧ ଜଣ ସଂକ୍ରମିତଙ୍କୁ ଚିହ୍ନଟ କରାଯାଇଛି। ସେହିଭଳି ବଉଦରୁ ୨୦, କଟକ ୩୮୩, ଦେବଗଡ ୩୩, ଢେଙ୍କାନାଳ ୧୬, ଗଜପତି ୪୭, ଗଞ୍ଜାମ ୬୭, ଜଗତସିଂହପୁର ୬୨, ଯାଜପୁର ୮୫, ଝାରସୁଗୁଡା ୨୬୧, କଳାହାଣ୍ଡି ୬୮୨, କନ୍ଧମାଳ ୩୪, କେନ୍ଦ୍ରାପଡା ୪୧, କେନ୍ଦୁଝର ୧୫୭, କୋରାପୁଟ ୫୮, ମାଲକାନଗିରିରୁ ୨୧ ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି।

ଅନୁରୂପ ଭାବରେ ମୟୁରଭଞ୍ଜ ୧୧୫, ନବରଙ୍ଗପୁର ୨୫୭, ନୟାଗଡ ୮୨, ନୂଆପଡା ୪୪୬, ପୁରୀ ୩୦୬, ରାୟଗଡା ୭୦, ସମ୍ବଲପୁର ୨୬୩, ସୋନପୁର ୬୫, ସୁନ୍ଦରଗଡରୁ ୬୮୪ ଜଣ ଚିହ୍ନଟ ହୋଇଥିବାବେଳେ ଷ୍ଟେଟ ପୁଲରୁ ୧୯୩ ଜଣ ରହିଛନ୍ତି। ଏହି ସମୟ ମଧ୍ୟରେ ୨୧୬୫ ଜଣ କରୋନାରୁ ସୁସ୍ଥ ହୋଇଛନ୍ତି। ଏପର୍ଯ୍ୟନ୍ତ ରାଜ୍ୟରେ ମୋଟ ୯୭୯୩୪୭୦ ନମୁନା ପରୀକ୍ଷା କରାଯାଇଛି। ସେମାନଙ୍କ ମଧ୍ୟରୁ ମୋଟ ୩୯୪୬୯୪ ଜଣ ପଜିଟିଭ ଚିହ୍ନଟ ହୋଇଥିବାବେଳେ ୩୫୩୫୫୧ ଜଣ ସୁସ୍ଥ ହୋଇସାରିଛନ୍ତି। ରାଜ୍ୟରେ ସଂପ୍ରତି ୩୯୧୧୭ ଜଣ ସକ୍ରିୟ କରୋନା ସଂକ୍ରମିତ ରହିଛନ୍ତି।