ନେପାଳ: ନେପାଳ ପର୍ଯ୍ୟଟନ ତଥା ବେସାମରିକ ବିମାନ ଚଳାଚଳ ମନ୍ତ୍ରୀ ରବୀନ୍ଦ୍ର ଅଧିକାରୀ ଓ ଅନ୍ୟ ଛ’ଜଣଙ୍କର ବୁଧବାର ଏକ ହେଲିକପ୍ଟର ଦୁର୍ଘଟଣାରେ ମୃତ୍ୟୁ ଘଟିଛି। ନେପାଳର ତାପ୍ଲେଜଙ୍ଗ ଜିଲ୍ଲାରେ ଏହି ଦୁର୍ଘଟଣା ଘଟିଛି। ମୃତକଙ୍କ ମଧ୍ୟରେ ପ୍ରଧାନମନ୍ତ୍ରୀ କେପି ଶର୍ମା ଓଲିଙ୍କ ବ୍ୟକ୍ତିଗତ ସହାୟକ ଯୁବରାଜ ଦହଲ ଅଛନ୍ତି। ସେହି ହେଲିକଫ୍ଟରରେ ୭ଜଣ ଯାତ୍ରା କରୁଥିଲେ ଓ ସମସ୍ତଙ୍କ ମୃତଦେହ ଉଦ୍ଧାର କରାଯାଇଥିବା ନେପାଳ ପୁଲିସ ମୁଖପାତ୍ର ଉତ୍ତମରାଜ ସୁବେଦୀ କହିଛନ୍ତି। ସେମାନେ ତେହେରାଥୁମ ଜିଲ୍ଲାର ଏକ ବିମାନ ଘାଟିର ପର୍ଯ୍ୟବେକ୍ଷଣ ପାଇଁ ଯାଇଥିବା ବେଳେ ଦୁର୍ଘଟଣା ଘଟିଥିବା ଜଣାପଡିଛି।
