ନୂଆଦିଲ୍ଲୀ: ରୁଷ, ଭାରତ ଓ ଚୀନ୍ ବୈଦେଶିକ ମନ୍ତ୍ରୀମାନଙ୍କ ଷୋଡ଼ଶ ବୈଠକରେ ଜାରି ମିଳିତ ବିବୃତ୍ତିରେ ତିନୋଟିଯାକ ଦେଶ ସମସ୍ତ ପ୍ରକାର ଆତଙ୍କବାଦ କାର୍ଯ୍ୟକଳାପର ନିନ୍ଦା କରିଛନ୍ତି। ଆତଙ୍କବାଦର ତୀବ୍ର ବିରୋଧ କରି ଭାରତ-ରୁଷ-ଚୀନ କହିଛନ୍ତି, ଆତଙ୍କବାଦ ଗୋଷ୍ଠୀଗୁଡ଼ିକୁ ସାହାଯ୍ୟ ସମର୍ଥନ କରାଯିବା ଉଚିତ ନୁହେଁ ଓ ରାଜନୈତିକ ଲକ୍ଷ୍ୟ ହାସଲ ପାଇଁ ସେଗୁଡ଼ିକୁ ବ୍ୟବହାର କରାଯିବା ଉଚିତ ନୁହେଁ। ଯେଉଁମାନେ ଆତଙ୍କବାଦ ଗୋଷ୍ଠୀଗୁଡ଼ିକୁ ସାହାଯ୍ୟ ସମର୍ଥନ କରୁଛନ୍ତି, ସେମାନଙ୍କୁ ଏଥିପାଇଁ ଉତ୍ତରଦାୟୀ କରାଯାଇ ସେମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଆବଶ୍ୟକ। ଗତ ୧୪ ତାରିଖରେ ପୁଲ୍ୱାମା ସନ୍ତ୍ରାସବାଦୀ ଆକ୍ରମଣ ଓ ଏହାପରେ ଭାରତ ଦ୍ୱାରା ପାକିସ୍ତାନସ୍ଥିତ ଆତଙ୍କବାଦୀ ତାଲିମ୍ ଶିବିର ଉପରେ ଆକ୍ରମଣ ଯୋଗୁଁ ଦୁଇ ଦେଶ ମଧ୍ୟରେ ଉତ୍ତେଜନା ବୃଦ୍ଧି ପାଇଥିବା ସମୟରେ ଏହି ବିବୃତ୍ତି ପ୍ରକାଶ ପାଇଛି। ଭାରତର ବୈଦେଶିକ ମନ୍ତ୍ରୀ ସୁଷମା ସ୍ୱରାଜ, ଚୀନ ବିଦେଶ ମନ୍ତ୍ରୀ ୱାଙ୍ଗ ୟୀ ଏବଂ ରୁଷ ବିଦେଶ ମନ୍ତ୍ରୀ ସରଗେଇ ଲାଭରବ ଜାତିସଙ୍ଘ ସୁରକ୍ଷା ପରିଷଦ ପ୍ରସ୍ତାବ ଅନୁଯାୟୀ ଆତଙ୍କବାଦ ଦମନ ଦିଗରେ ପଦକ୍ଷେପ ନେବାକୁ ଆହ୍ୱାନ ଦେଇଛନ୍ତି।
Popular Categories
Previous article
Next article