ଡେସ୍କ: ମେଡିକାଲ କାଉନସେଲିଂ କମିଟି ବା ଏମସିସି ଅଗଷ୍ଟ ୧୪ ବୁଧବାରଠାରୁ ନ୍ୟାସନାଲ ଏଲିଜିବିଲିଟି କମ୍ ଏଣ୍ଟ୍ରାନ୍ସ ଟେଷ୍ଟ (ନିଟ୍) ୟୁଜି କାଉନସେଲିଂ ୨୦୨୪ ଆରମ୍ଭ କରିବ। ନିଟ୍ ୟୁଜି ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ଏବଂ ଆବେଦନ ଫର୍ମ ଦାଖଲ କରିବାକୁ ଇଚ୍ଛୁକ ପ୍ରାର୍ଥୀମାନେ mcc.nic.in ଅଫିସିଆଲ ୱେବସାଇଟରେ ଆବେଦନ କରିପାରିବେ।
ଏମସିସି ପକ୍ଷରୁ ଜାରି କାର୍ଯ୍ୟସୂଚୀ ଅନୁଯାୟୀ ପ୍ରଥମ ପର୍ଯ୍ୟାୟ ପାଇଁ ଅଗଷ୍ଟ ୧୪ରୁ ଅଗଷ୍ଟ ୨୦ ତାରିଖ ମଧ୍ୟାହ୍ନ ପର୍ଯ୍ୟନ୍ତ ଆବେଦନ କରିବା ଲାଗି ୱିଣ୍ଡୋ ଖୋଲା ରହିବ। ଆବେଦନକାରୀ ମାନେ ଅଗଷ୍ଟ ୨୦ ତାରିଖ ଅପରାହ୍ନ ୩ଟା ପର୍ଯ୍ୟନ୍ତ ଆବେଦନ ଶୁଳ୍କ ପୈଠ କରିପାରିବେ। ଅଗଷ୍ଟ ୧୬ରୁ ଅଗଷ୍ଟ ୨୦ ତାରିଖ ରାତି ୧୧ଟା ୫୫ ପର୍ଯ୍ୟନ୍ତ ପ୍ରଥମ ରାଉଣ୍ଡ ପାଇଁ ଚଏସ୍ ଫିଲିଂ ପାଇଁ ୱିଣ୍ଡୋ ଖୋଲା ରହିବ। ଅଗଷ୍ଟ ୨୦ ତାରିଖ ଅପରାହ୍ନ ୪ଟାରୁ ପ୍ରିଫରେନ୍ସ ଲକ୍ କରିବାର ସୁବିଧା ଉପଲବ୍ଧ ହେବ।
ପରବର୍ତ୍ତୀ ପର୍ଯ୍ୟାୟ ୨୦୨୪ ଅଗଷ୍ଟ ୨୧ରୁ ଅଗଷ୍ଟ ୨୨ ପର୍ଯ୍ୟନ୍ତ ପ୍ରଥମ ରାଉଣ୍ଡ ପାଇଁ ସିଟ୍ ଆବଣ୍ଟନ ପ୍ରକ୍ରିୟା କରାଯିବ। ପ୍ରଥମ ପର୍ଯ୍ୟାୟ ପ୍ରଥମ ଆବଣ୍ଟନ ଫଳ ଅଗଷ୍ଟ ୨୩, ୨୦୨୪ରେ ପ୍ରକାଶ ପାଇବ। ଆବଣ୍ଟିତ କଲେଜଗୁଡ଼ିକରେ ରିପୋର୍ଟିଂ ପାଇଁ ଅଗଷ୍ଟ ୨୪ରୁ ଅଗଷ୍ଟ ୨୯ ପର୍ଯ୍ୟନ୍ତ ସମୟ ଧାର୍ଯ୍ୟ କରାଯାଇଥିବା ବେଳେ ଅଗଷ୍ଟ ୩୦ରୁ ଅଗଷ୍ଟ ୩୧, ୨୦୨୪ ପର୍ଯ୍ୟନ୍ତ ଅନୁଷ୍ଠାନ ଗୁଡ଼ିକରେ ଯୋଗ ଦେଇଥିବା ପ୍ରାର୍ଥୀଙ୍କ ତଥ୍ୟ ଯାଞ୍ଚ କରାଯିବ।
Comments are closed.