ମୁମ୍ବଇ: ବଲିଉଡ୍ରେ ଡ୍ରଗ୍ସ ଲିଙ୍କ୍ ମାମଲାର ତଦନ୍ତ ଜାରି ରଖିଛି ନାର୍କୋଟିକ୍ସ କଂଟ୍ରୋଲ ବ୍ୟୁରୋ (ଏନସିବି)। ଏହି କ୍ରମରେ ମଙ୍ଗଳବାର ଏନସିବି ଅଭିନେତା ଅର୍ଜୁନ ରାମପାଲଙ୍କୁ ସମନ୍ ଜାରି କରିଛି। ଆସନ୍ତା ୧୬ ତାରିଖରେ ଅର୍ଜୁନ ଏନସିବିରେ ହାଜର ହେବାକୁ କୁହାଯାଇଛି।
ଏହା ପୂର୍ବରୁ ଏନସିବି ପକ୍ଷରୁ ଅର୍ଜୁନ ରାମପାଲ ଏବଂ ତାଙ୍କ ବାନ୍ଧବୀ ଗ୍ରାବ୍ରିଏଲା ଡେମେଟ୍ରିଏଡ୍ସଙ୍କୁ ପଚରାଉଚରା କରିଥିଲା। ଗତ ନଭେମ୍ବରରେ ଏନସିବି ଅର୍ଜୁନଙ୍କ ଘରେ ଚଢ଼ାଉ କରିଥିଲା। ସେଠାରୁ ଲାପ୍ଟପ୍, ମୋବାଇଲ୍ ଫୋନ ଏବଂ ଟାବ୍ଲେଟ୍ ଜବତ କରାଯାଇଥିଲା। ଏହା ପରେ ତାଙ୍କୁ ଏନସିବି କାର୍ଯ୍ୟାଳୟକୁ ଡକାଇ ଜେରା କରାଯାଇଥିଲା। ଚଢ଼ାଉ ସମୟରେ ଅର୍ଜୁନଙ୍କ ଘରୁ କୌଣସି ଡ୍ରଗ୍ସ ମିଳି ନ ଥିଲା, କିନ୍ତୁ ଏନଡିପିଏସ ଦ୍ବାରା ନିଷେଧ କରାଯାଇଥିବା ଅନେକ ଔଷଧ ମିଳିଥିଲା।
ସୂଚନାଯୋଗ୍ୟ, ବଲିଉଡ୍ରେ ଡ୍ରଗ୍ସ ଲିଙ୍କ୍ ମାମଲାରେ ଏନସିବି ବର୍ତ୍ତମାନ ସୁଦ୍ଧା ଅନେକ ବଲିଉଡ୍ ଅଭିନେତାଙ୍କୁ ପଚରାଉଚରା କରିସାରିଛି। କିନ୍ତୁ ଅର୍ଜୁନ ରାମପାଲଙ୍କ ବାନ୍ଧବୀ ଗ୍ରାବ୍ରିଏଲାଙ୍କ ଭାଇକୁ ଏନସିବି ଗିରଫ କରିବା ପରେ ଡ୍ରଗ୍ସ ଲିଙ୍କ୍ରେ ତାଙ୍କ ନାମ ସାମ୍ନାକୁ ଆସିଥିଲା। ସେତେବେଳେ ଅର୍ଜୁନ ଗଣମାଧ୍ୟମକୁ କହିଥିଲେ, ଡ୍ରଗ୍ସ ସହିତ ମୋର କୌଣସି ସମ୍ପର୍କ ନାହିଁ। ମୋ ଘରୁ କିଛି ଔଷଧ ମିଳିଥିଲା, ଯାହାର ପ୍ରେସ୍କ୍ରିପ୍ସନ ମୁଁ ଏନସିବିକୁ ଦେଇଛି। ତଦନ୍ତରେ ମୁଁ ସମ୍ପୂର୍ଣ୍ଣ ସହଯୋଗ କରୁଛି।
Comments are closed.