ଧର୍ମ ନାମରେ ଛିଡା କରାଯାଉଛି ଘୃଣାର ପ୍ରାଚୀର : ନସିରୁଦ୍ଦିନ ଶାହ
ମୁମ୍ବଇ : ବଲିଉଡର ବରିଷ୍ଠ ଅଭିନେତା ନସିରୁଦ୍ଦିନ ଶାହ ପୁଣିଥରେ ଚର୍ଚ୍ଚାକୁ ଆସିଛନ୍ତି। ସେ ଏକ ମାନବାଧିକାର ସଂସ୍ଥାର କାର୍ଯ୍ୟକ୍ରମରେ ଦେଶର ସ୍ଥିତିକୁ ନେଇ ଅନେକ କଥା କହିଛନ୍ତି। ଯେଉଁଥିରେ ଧର୍ମନାମରେ ହେଉଥିବା ହିଂସା ଏବଂ ଦିନକୁ ଦିନ ସାଧାରଣ ବ୍ୟକ୍ତି ନିଜର ସ୍ୱାଧୀନତା ହରାଉଛି ବୋଲି କହିଛନ୍ତି। ଭାରତରେ ଧର୍ମ ନାମରେ ଘୃଣାର ପ୍ରାଚୀର ଛିଡା କରାଯାଉଛି ଏବଂ ଅନ୍ୟାୟ ବିରୁଦ୍ଧରେ ସ୍ୱର ଉତ୍ତୋଳନ କରୁଥିବା ବ୍ୟକ୍ତିକୁ ଦଣ୍ଡିତ କରାଯାଉଛି ବୋଲି ନସିରୁଦ୍ଦିନ କହିଛନ୍ତି। ଏମନେଷ୍ଟି ଇଣ୍ଡିଆର ଏକ ଭିଡିଓରେ ଏହା ପ୍ରଦର୍ଶୀତ ହେଉଛି।