ସମାଜ ଡିଜିଟାଲ ଡେସ୍କ: ମେକ୍ସିକୋ, ଆମେରିକା ଓ କାନାଡ଼ାର କିଛି ଅଂଶରେ ସୋମବାର ଦୁର୍ଲଭ ପୂର୍ଣ୍ଣ ସୂର୍ଯ୍ୟୋପରାଗ ଦେଖିବାକୁ ମିଳିଛି। ଏହି ସମୟରେ ଲକ୍ଷାଧିକ ଲୋକ ଏହି ମହାଜାଗତିକ ଦୃଶ୍ୟକୁ ଦେଖିଛନ୍ତି। କେବଳ ଏତିକି ନୁହେଁ, ଆମେରିକାର ସ୍ପେସ୍ ଏଜେନ୍ସି ନାସା ଏହାର ଅଫିସିଆଲ ୟୁଟ୍ୟୁବ ଚ୍ୟାନେଲରେ ସୂର୍ଯ୍ୟୋପରାଗର ସିଧା ପ୍ରସାରଣ କରିଥିଲା। ଏଥିସହ ମହାକାଶରୁ ସୂର୍ଯ୍ୟୋପରାଗ କିପରି ଦେଖାଯାଏ, ଏହାର ଭିଡିଓ ମଧ୍ୟ ନାସା ଜାରି କରିଛି। ପ୍ରାୟ ଏକ ଶତାବ୍ଦୀରେ ପ୍ରଥମ ଥର ପାଇଁ ନ୍ୟୁୟର୍କର ପଶ୍ଚିମ ଓ ଉତ୍ତରାଞ୍ଚଳରେ ପୂର୍ଣ୍ଣ ସୂର୍ଯ୍ୟୋପରାଗ ଦୃଶ୍ୟମାନ ହୋଇଛି।
Ever seen a total solar #eclipse from space?
Here is our astronauts' view from the @Space_Station pic.twitter.com/2VrZ3Y1Fqz
— NASA (@NASA) April 8, 2024
ମେକ୍ସିକୋର ଉପକୂଳବର୍ତ୍ତୀ ସହର ମାଜାତଲାନ ଉତ୍ତର ଆମେରିକା ପ୍ରଥମ ସ୍ଥାନ, ଯେଉଁଠାରେ ସୂର୍ଯ୍ୟୋପରାଗ ଦୃଶ୍ୟମାନ ହୋଇଥିଲା। ସୂର୍ଯ୍ୟୋପରାଗ ଦେଖିବା ପାଇଁ ହଜାର ହଜାର ଲୋକ ସମୁଦ୍ରକୂଳରେ ଏକାଠି ହୋଇଥିଲେ। ଲୋକମାନେ ଡେକ୍ ଚେୟାରରେ ବସି ଚଷମା ପିନ୍ଧି ଏହି ମହାଜାଗତିକ ଦୃଶ୍ୟ ଦେଖିଥିଲେ। ସୂର୍ଯ୍ୟୋପରାଗ ୪ ମିନିଟ୍ ୨୮ ସେକେଣ୍ଡ ପର୍ଯ୍ୟନ୍ତ ରହିଥିଲା। ଏହା ୨୦୧୭ରେ ଆମେରିକାର କିଛି ଭାଗରେ ଦୃଶ୍ୟମାନ ହୋଇଥିବା ସୂର୍ଯ୍ୟୋପରାଗଠାରୁ ଅଧିକ ସମୟ ପର୍ଯ୍ୟନ୍ତ ରହିଥିଲା। ୨୦୧୭ ସୂର୍ଯ୍ୟୋପରାଗ ୨ ମିନିଟ୍ ୪୨ ସେକେଣ୍ଡ ପର୍ଯ୍ୟନ୍ତ ଦୃଶ୍ୟମାନ ହୋଇଥିଲା।
Take it all in.
We're getting our first views of the 2024 total solar #eclipse as its shadow makes landfall in Mazatlán, Mexico. pic.twitter.com/FdAACmQGkm
— NASA (@NASA) April 8, 2024
ଏହା ପୂର୍ବରୁ ନାସା ପୂର୍ଣ୍ଣ ସୂର୍ଯ୍ୟୋପରାଗ ଦେଖିବା ସୟମରେ ସୁରକ୍ଷା ଉପରେ ଗୁରୁତ୍ୱ ଦେଇ ଏକ୍ସରେ ଏକ ପୋଷ୍ଟ କରିଥିଲା। ନାସା ଲେଖିଥିଲା ଯେ, “ଆମେ ଚାହୁଁଛୁ ଆପଣ ପୂର୍ଣ୍ଣ ସୂର୍ଯ୍ୟୋପରାଗ ଦେଖନ୍ତୁ। ଆମେ ଚାହୁଁନୁ ଯେ ଏହା ଆପଣଙ୍କର ଶେଷ ଦୃଶ୍ୟ ନହେଉ। ଖାଲି ଆଖିରେ ସିଧା ସଳଖ ସୂର୍ଯ୍ୟୋପରାଗ ଦେଖନ୍ତୁ ନାହିଁ ଏବଂ ଆଖିର ସୁରକ୍ଷା ପ୍ରତି ଧ୍ୟାନ ଦିଅନ୍ତୁ।” ମେକ୍ସିକୋ ସମେତ ବିଭିନ୍ନ ସ୍ଥାନର ଲୋକମାନେ ସୋସିଆଲ ମିଡିଆରେ ସୂର୍ଯ୍ୟୋପରାଗର ଭିଡିଓ ଏବଂ ଫଟୋ ଶେୟାର କରିଛନ୍ତି।
Comments are closed.