ନୂଆଦିଲ୍ଲୀ: ଆମେରିକା ଆଗାମୀ ପାଞ୍ଚ ବର୍ଷ ମଧ୍ୟରେ ଚନ୍ଦ୍ରରେ ଏକ ପରମାଣୁ ରିଆକ୍ଟର ନିର୍ମାଣ କରିବାକୁ ଯୋଜନା କରୁଛି । ଏହା ପୂର୍ବରୁ ସେ ଚନ୍ଦ୍ରରେ ଏକ ବେସ ଏବଂ ମାନବୀୟ ବସତି ମଧ୍ୟ ପ୍ରତିଷ୍ଠା କରିପାରେ, ଯେଉଁଥିରେ କିଛି ଘର ନିର୍ମାଣ ହେବ। ପ୍ରଶ୍ନ ଉଠୁଛି, ଆମେରିକୀୟ ମହାକାଶ ସଂସ୍ଥା ନାସା (NASA) କାହିଁକି ଏପରି କରୁଛି? ଏହି ରିଆକ୍ଟର ଚନ୍ଦ୍ରରେ କେଉଁ କାମରେ ଲାଗିବ? ଆମେରିକା ପରି ଋଷ ଓ ଚୀନ ମଧ୍ୟ ଏହା କରିବାକୁ ଯୋଜନା କରୁଛନ୍ତି। କଣ ଏହାର ଉଦ୍ଦେଶ୍ୟ, ଓ ବିପଦ ଆସନ୍ତୁ ଜାଣିବା ।
ଚନ୍ଦ୍ରରେ ଦୀର୍ଘସ୍ଥାୟୀ ମାନବ ଉପସ୍ଥିତି, ଗବେଷଣା ବେସ ନିର୍ମାଣ, କିମ୍ବା ଖଣିଜ ସମ୍ପଦ ଉତ୍ତୋଳନ ପାଇଁ ସ୍ଥାୟୀ ଶକ୍ତି ଉତ୍ସ ଅତ୍ୟନ୍ତ ଆବଶ୍ୟକ। ଚନ୍ଦ୍ରରେ ସୌର ଶକ୍ତି ସୀମିତ, କାରଣ ସେଠାରେ ୧୪ ଦିନ ରାତି ଓ ୧୪ ଦିନ ଦିବା ହୋଇଥାଏ, ଯାହା ଭାରତର ୨୮ ଦିନ ସହ ସମାନ। ୧୪ ଦିନର ରାତି ସମୟରେ ଶକ୍ତିର ବହୁତ ଆବଶ୍ୟକତା ହୋଇଥାଏ। ଏପରି ପରିସ୍ଥିତିରେ ନିରନ୍ତର ବିଦ୍ୟୁତ ଯୋଗାଇବା ପାଇଁ ପରମାଣୁ ଶକ୍ତି ହିଁ ସବୁଠାରୁ ନିର୍ଭରଯୋଗ୍ୟ ବିକଳ୍ପ ବୋଲି ବିବେଚନା କରାଯାଉଛି।
