ନୂଆଦିଲ୍ଲୀ: ଇତିହାସର ଫର୍ଦ୍ଦରେ ଯୋଡ଼ି ହେଲା ନାସାର ଆଉ ଏକ ସଫଳତା । ଆଷ୍ଟ୍ରଏଡ ସହ ଧକ୍କା ହେଲା ନାସାର ଡାର୍ଟ ସ୍ପେସ୍ କ୍ରାଫ୍ଟ । ପୃଥିବୀକୁ ଧ୍ୱଂସରୁ ରକ୍ଷା କରିବାକୁ ନାସାର ମିଶନ ସଫଳ ହୋଇଛି । କାରଣ ଯଦି ଭବିଷ୍ୟତରେ ପୃଥିବୀ ଉପରେ କଛି ବିପଦ ଆସେ ତେବେ ପୃଥିବୀକୁ ନାସାର ଡାର୍ଟ ସ୍ପେସ୍ କ୍ରାଫ୍ଟ ରକ୍ଷା କରିପାରିବ । ଅର୍ଥାତ୍ ପୃଥିବୀ ଉପରେ କୌଣସି ପ୍ରକାର ଆଷ୍ଟେରଏଡ ଧକ୍କା ହେବାର ଆଶଙ୍କା ଥିଲେ ଏହା ତାକୁ ପ୍ରତିରୋଧ କରିବ ।
ତେବେ ଆସନ୍ତୁ ଜାଣିବା ନାସା ପ୍ରସ୍ତୁତ କରିଥିବା ଏହି ଡାର୍ଟ ସ୍ପେସ୍ କ୍ରାଫ୍ଟ ବିଷୟରେ କିଛି ତଥ୍ୟ
ନାସା ପ୍ରସ୍ତୁତ କରିଥିବା ଡାର୍ଟ ମହାକାଶଯାନର ଆକାର ୧୯ ମିଟର । ଡାର୍ଟ ସ୍ପେସ୍ କ୍ରାଫ୍ଟ ପ୍ରସ୍ତୁତ ଲାଗି ଖର୍ଚ୍ଚ ହୋଇଛି ୨୬ଶହ କୋଟି ଟଙ୍କା । ଏହାକୁ ୨୦୨୧ ନଭେମ୍ବର ୨୪ରେ ମହାକାଶକୁ ପଠାଯାଇଥିଲା । ପ୍ରାୟ ୧୦ ମାସର ଯାତ୍ରା ପରେ ଏହା ନାସାକୁ ସଫଳତା ଦେଇଛି । ଆଜି ଭୋର୍ ୪ଟା ୪୫ରେ ଧକ୍କା ଦେଇଛି ଡାର୍ଟ ସ୍ପେସ୍ କ୍ରାଫ୍ଟ ଡାଇମରଫସ୍ । ଗ୍ରହାଣୁର ଆକାର ୧୬୩ ମିଟର ବୋଲି କହିଛି ନାସା ।
ସୂଚନା ମୁତାବକ ନାସା ଏହି କିର୍ତ୍ତୀମାନ ଆଜି ସକାଳୁ ସକାଳୁ ହାସଲ କରିଛି । ଭାରତୀୟ ସମୟ ଭୋର ୪ଟା ୪୫ ମିନିଟ୍ରେ ସଫଳତା ହାତେଇଛି । ସବୁଠାରୁ ବଡ଼ କଥା ହେଉଛି ନାସାର ଏହି ସଫଳତା ଗ୍ରହାଣୁକୁ ଧକ୍କା ଦେବାରେ ପ୍ରଥମ ମହାକାଶଯାନ। ନାସାର ସୂଚନା ଅନୁଯାୟୀ ପୃଥିବୀ ଠାରୁ ୧୧ ନିୟୁତ କିଲୋମିଟର ଦୂରରେ ଗ୍ରହାଣୁ ଡାଇମରଫସକୁ ଧକ୍କା ଦେଇଥିଲା ଡାର୍ଟ ସ୍ପେସ୍ କ୍ରାଫ୍ଟ ।
