ଜାତୀୟ ତୀରନ୍ଦାଜ ପ୍ରତିଯୋଗିତାରେ ଭାଗନେବେ ନର୍ଲା ମାଟିର ସନ୍ତାନ

ନର୍ଲା: କଳାହାଣ୍ଡି ବ୍ଲକ୍ ଘୋଡବନ୍ଧ ଗ୍ରାମର ତପନ ମାଝୀ ଓ ମମତା ମାଝୀଙ୍କ ସନ୍ତାନ ତଥା ଲାଞ୍ଜିଗଡ ଡିଏଭି ବେଦାନ୍ତ ଇଣ୍ଟରନ୍ୟାଶନାଲ ସ୍କୁଲର ୮ମ ଶ୍ରେଣୀର ଛାତ୍ର ଓଁକାର ମାଝୀ ଜାତୀୟ ତୀରନ୍ଦାଜ ପ୍ରତିଯୋଗିତାରେ ଭାଗନେବା ପାଇଁ ମନୋନୀତ ହୋଇଛନ୍ତି । ୧୫ ବର୍ଷରୁ କମ୍ ବର୍ଗର ପ୍ରତିଯୋଗିତାରେ ବ୍ରୋଞ୍ଜ ପଦକ ହାସଲ କରିଥିବା ଓଁକାର ଆନ୍ଧ୍ରପ୍ରଦେଶର ବିଜୟୱାଡାରେ ଚଳିତ ମାସ ୨୯ ତାରିଖରୁ ଜୁଲାଇ ୮ ତାରିଖ ଯାଏଁ ଅନୁଷ୍ଠିତ ହେବାକୁ ଥିବା ଜାତୀୟ ତୀରନ୍ଦାଜ ପ୍ରତିଯୋଗିତାରେ ଭାଗନେବେ। ଏହା ଜଣାପଡିବା ପରେ ଅଞ୍ଚଳରେ ଖୁସିର ଲହରି ଖେଳିଯାଇଛି। କୋଚ୍ ସିମାଞ୍ଚଳ କାଦ୍ରାକାଙ୍କଠାରୁ ତାଲିମ ଗ୍ରହଣ କରି ଓଁକାର ଏହି ସଫଳତା ହାସଲ କରିଥିବା ପ୍ରକାଶ କରିଛନ୍ତି । ନର୍ଲା ଅଞ୍ଚଳରେ ଓଁକାରଙ୍କ ସଫଳତା ପାଇଁ ଅଭିନନ୍ଦନ ଜଣାଇଛନ୍ତି ।