ନର୍ଲା:ସେବାକାରୀ କିନ୍ନର ସଂଘ ତରଫରୁ ନର୍ଲାରୋଡ଼ ଶିବ ମନ୍ଦିର ନିକଟରେ କିନ୍ନର ମାନଙ୍କ ଇଷ୍ଟଦେବୀ ବହୁତରା ମାତାଙ୍କ ଷୋହଳ ପୂଜା ଅନୁଷ୍ଟିତ ହୋଇଯାଇଛି। ସବୁବର୍ଷ ପରି ଚଳିତ ବର୍ଷ ମଧ୍ୟ କଳାହାଣ୍ଡି,ବଲାଙ୍ଗିର, ରାୟଗଡ଼ା, ଖୋର୍ଦ୍ଧା,ସମ୍ବଲପୁର ତଥା ଓଡ଼ିଶା ବାହାରୁ ରାୟପୁର,ବମ୍ବେ,ଦିଲ୍ଲୀରୁ ପ୍ରାୟ ୩୦୦ ରୁ ଉର୍ଦ୍ଧ କିନ୍ନର ଯୋଗଦେଇଥିବା ରାୟପୁର କିନ୍ନର ସଂଘର ଗୁରୁ ନାଗୀନାହାଜି ପ୍ରକାଶ କରିଛନ୍ତି। ସୂଚନା ଅନୁଯାୟୀ ୮ତାରିଖ ଦିନ ଅଧିବାସ ଅନୁଷ୍ଠିତ ହୋଇଥିଲା। ୯ତାରିଖ ମଙ୍ଗଳ ବାର ଦିନ ପୂଜା ଆରମ୍ଭ, ଚଣ୍ଡୀପାଠ ଓ ୧୦ ତାରିଖ ବୁଧବାର ଅପରାହ୍ନ ରେ ପୂର୍ଣ୍ଣାହୂତି ସହ ଶୁଭ କଳସକୁ ନଗର ପରିକ୍ରମା କରାଯାଇଥିବା କାମିନୀ କିନ୍ନର ପ୍ରକାଶ କରିଛନ୍ତି । ଏହି ପୂଜନୋତ୍ସବରେ ନର୍ଲାରୋଡ ପ୍ରବଳ ଭିଡ ହୋଇଥିଲା।
Comments are closed.