ନର୍ଲା : କଳାହାଣ୍ଡି ଜିଲ୍ଲା ନର୍ଲା ବ୍ଲକ ଅନ୍ତର୍ଗତ ଘୋଡାବନ୍ଧ ପଞ୍ଚାୟତର ଯୋଡାବନ୍ଧ ଗାଁ । ଆଦିବାସୀ ଓ ହରିଜନ ସଂପ୍ରଦାୟର ଲୋକେ ବସବାସ କରୁଥିବା ଏହି ଆଦର୍ଶ ଗାଁରେ ଗ୍ରୀଷ୍ମ ଋତୁ ଆସିଲେ ଭାଳେଣି ପଡେ ପାନୀୟ ଜଳ ପାଇଁ । ଗାଁର ସ୍ଥାପିତ ହୋଇଛି ଓଭରହେଡ୍ ପାଣିଟାଙ୍କି । ସେହିପରି ସୋଲାର ଓ୍ବାଟର ପ୍ରୋଜେକ୍ଟ ମଧ୍ୟ ରହିଛି । ହେଲେ ଦୁଇଟି ପ୍ରକଳ୍ପ ପକ୍ଷଘାତରେ ପଡି ଅଚଳ ହୋଇ ପଡିଛି । ଦୂରରୁ ଶୋଭାବର୍ଦ୍ଧନ କରୁଥିବା ଏହି ଦୁଇଟି ପାନୀୟ ଜଳ ପ୍ରକଳ୍ପର ବାସ୍ତବତାକୁ ଦେଖିଲେ ଯେକେହି ହତବାକ୍ ହୋଇପଡିବ । ବର୍ଷ ବର୍ଷ ଧରି ଅଚଳ ହୋଇ ପଡିଥିବା ପାନୀୟ ଜଳ ପ୍ରକଳ୍ପ କାରଣରୁ ଲୋକେ ପିଇବା ପାଣିକୁ ନେଇ ବହୁ ଅସୁବିଧାର ସମ୍ମୁଖୀନ ହୁଅନ୍ତି । ସ୍ଥାୟୀ ବ୍ୟବସ୍ଥା ପାଇଁ ଖର୍ଚ୍ଚ ହୋଇଛି କୋଟି କୋଟି ଅର୍ଥରାଶି । ହେଲେ ତାହା ନିଷ୍ଫଳ । ଗ୍ରୀଷ୍ମ ଆସିଲେ ପ୍ରଶାସନ ତରଫରୁ ପାଣି ଟ୍ୟାଙ୍କର ସାହାଯ୍ୟରେ ପିଇବା ପାଣି ଯୋଗାଣ ହୁଏ । ବାସ୍ ଏତିକି । ଗାଁକୁ ମାତ୍ର ତିନୋଟି ନଳକୂପ ଅଛି ଓ ତାହା କଷ୍ଟେମଷ୍ଟେ କାମ ଚଳାଉଛି । କାହିଁକି ସ୍ଥାୟୀ ବ୍ୟବସ୍ଥା ଆଜି ଯାଏଁ ହୋଇପାରିଲାନି ସେନେଇ ଆଦର୍ଶ ଗ୍ରାମର ମାନ୍ୟତା ପାଇଥିବା ଏହି ଗାଁର ସ୍ଥାନୀୟବାସିନ୍ଦା ପ୍ରଶ୍ନ କରିବା ସହ ଏହାର ସମାଧାନ ପାଇଁ ଦାବୀ କରିଛନ୍ତି ।
Comments are closed.