ନର୍ଲା:ରବିବାର ନର୍ଲା ମୁଖ୍ୟ ରାସ୍ତା କଡ଼ରେ ଥିବା ଏକ ବିଦ୍ୟୁତ୍ ଖମ୍ବରେ କରେଣ୍ଟ ଲାଗି ୨ଟି ଛେଳିର ମୃତ୍ୟୁ ହୋଇଥିବା ଜଣାପଡ଼ିଛି। ନର୍ଲା ମୁଖ୍ୟ ରାସ୍ତା କଡ଼ରେ କ୍ଷୁଦ୍ର ଜଳସେଚନ ବିଭାଗର କାର୍ୟ୍ୟାଳୟ ନିକଟସ୍ଥ ଏକ ବିଦ୍ୟୁତ୍ ଖମ୍ବରେ ପଞ୍ଚାୟତ ତରଫରୁ ହାଇମାସ୍କ ଲାଇଟ୍ ଲଗାଯାଇଛି। ରବିବାର ଅପରାହ୍ଣରେ ବର୍ଷା ହେଉଥବା ସମୟରେ ନର୍ଲା ମାଝୀ ପଡ଼ାର ମାଧବ ମାଝୀଙ୍କ ଭାଇ ଛେଳି ନେଇ ଘରକୁ ଫେରୁଥିଲେ। ଏହି ସମୟରେ ଏକ ଛେଳି ଛୁଆ ଓ ମା’ ଛେଳି ଉକ୍ତ ଖମ୍ବ ସଂସ୍ପର୍ଶରେ ଆସିଥିଲେ। କୌଣସି କାରଣରୁ ଖମ୍ବରେ ବିଦ୍ୟୁତ୍ ସଂଯୋଗ ହେବା ଯୋଗୁଁ ବିଦ୍ୟୁତ୍ ଆଘାତରେ ଉଭୟଙ୍କ ଘଟଣା ସ୍ଥଳରେ ହିଁ ମୃତ୍ୟୁ ହୋଇଥିଲା। ନର୍ଲା ସହରର ପ୍ରତ୍ୟେକ ଗଳିକନ୍ଦିରେ ଷ୍ଟ୍ରୀଟ୍ ଲାଇଟ୍ ଲାଗିଥିବା ବେଳେ ସେଗୁଡିକର ନିୟମିତ ଯାଞ୍ଚ୍ କରାଯାଉନାହିଁ। ଫଳରେ ଆଗକୁ ଅଘଟଣ ଘଟିବା ପୂର୍ବରୁ ସେଗୁଡିକର ଯାଞ୍ଚ୍ କରିବା ପାଇଁ ଗ୍ରାମବାସୀ ଦାବି କରିଛନ୍ତି।
Comments are closed.