ନାକଟିଦେଉଳ : ସମ୍ବଲପୁର ଜିଲ୍ଲା ନାକଟିଦେଉଳ ଥାନା ଅନ୍ତର୍ଗତ ସାହେବୀ ନିକଟସ୍ଥ ଧଣ୍ଡମୁଣ୍ଡା ଠାରୁ ଶୁକ୍ରବାର ସକାଳୁ ଗ୍ରାମର ନିକଟ ଜଙ୍ଗଲରୁ ଜଣେ ବ୍ୟକ୍ତିଙ୍କର ମୃତଦେହ ଉଦ୍ଧାର କରାଯାଇଛି। ମୃତ ବ୍ୟକ୍ତି ଜଣଙ୍କ ହେଲେ ମାନକୁଣ୍ଡା ଗ୍ରାମର ସାଦ ମୁଣ୍ଡା। ମୃତଦେହ ପଡ଼ିଥିବା ସ୍ଥାନ ଏବଂ ମୃତ ଦେହର ପାରିପାର୍ଶ୍ଵିକ ପରିସ୍ଥିତିରୁ ଗତ ରାତ୍ରିରେ କୌଣସି ବନ୍ୟ ଜନ୍ତୁ ଆକ୍ରମଣରେ ସାଦ ମୁଣ୍ଡାଙ୍କର ମୃତ୍ୟୁ ଘଟିଥିବା ଅନୁମାନ କରାଯାଉଥିବା ବେଳେ ବାଘ ଆକ୍ରମଣରେ ତାଙ୍କର ମୃତ୍ୟୁ ଘଟି ଥିବା ଗ୍ରାମବାସୀ ମାନେ ସନ୍ଦେହ କରୁଛନ୍ତି।
ଦେଖନ୍ତୁ ଭିଡିଓ : କଇଁଛକୁ ଖୁଆଉଥିଲେ, ହଠାତ୍ ପାଣି ଭିତରୁ ବାହାରିଲା ଭୟଙ୍କର ଜୀବ, ଭୟରେ ଦୌଡିଲେ ଯୁବତୀ..
ଘଟଣାସ୍ଥଳକୁ ନାକଟିଦେଉଳ ବନାଞ୍ଚଳଧିକାରୀ ଅଶ୍ବିନୀ କୁମାର ବେହେରା ଏବଂ ନାକଟିଦେଉଳ ପୁଲିସ ପହଞ୍ଚି ମୃତଦେହକୁ ଜବତ କରିବା ସହ ତଦନ୍ତ ଆରମ୍ଭ କରିଛନ୍ତି। ପୁଲିସ ମୃତଦେହକୁ ବ୍ୟବଚ୍ଛେଦ ପାଇଁ ରେଢ଼ାଖୋଲ ପଠାଇଛି। ସାଦ ମୁଣ୍ଡା ଗତ କାଲି ନିକଟସ୍ଥ ଜଙ୍ଗଲକୁ ପୋଢ଼ ଚରାଇବାକୁ ଯାଇ ଘରକୁ ଫେରି ନ ଥିଲେ। ସନ୍ଧ୍ୟାରେ ପରିବାର ଲୋକେ ଖୋଜା ଖୋଜି କରିଥିଲେ ମଧ୍ୟ ତାକୁ ନ ପାଇ ଜଙ୍ଗଲରେ ରହି ଯାଇଥିବ ବୋଲି ଭାବି ଥିଲେ। ତେବେ ଆଜି ସକାଳୁ ପୁଣି ଥରେ ଖୋଜିବାକୁ ଯାଇ ଘର ଠାରୁ ପ୍ରାୟ ୩ ଶହ ମିଟର ଦୂରରେ ତାଙ୍କର ଖଣ୍ଡ ବିଖଣ୍ଡିତ ମୃତଦେହ ଦେଖିବାକୁ ପାଇଥିଲେ।
Comments are closed.