ନବରଙ୍ଗପୁର: ପ୍ରେମୀଯୁଗଳଙ୍କ ଝୁଲନ୍ତା ମୃତଦେହ ଉଦ୍ଧାର କରିଛି ପୁଲିସ । ପାପଡାହାଣ୍ଡି ବ୍ଲକ ମୈଦଲପୁର ଥାନା ଅନ୍ତର୍ଗତ ମାଝୀଗୁଡା ପଞ୍ଚାୟତର ଭାଲୁଝର ଗ୍ରାମ ନିକଟରେ ଥିବା ଏକ ନଦୀ ପାଖରେ ଦୁଇ ପ୍ରେମୀଯୁଗଳ ଗୋଟିଏ ଗଛରେ ଝୁଲି ପଡି ଆତ୍ମହତ୍ୟା କରିଛନ୍ତି।
ଭାଲୁଝର ଗ୍ରାମର ସାଧବ ମୁଦୁଲିଙ୍କ ତୃତୀୟ ଝିଅ ବେଲ ମୁଦୁଲି (୧୯ ବର୍ଷ) ଓ ମୈଦଲପୁର ପଞ୍ଚାୟତ ନୀଳାଦ୍ରି ଗୁଡାର ତ୍ରିପତି ମାଝୀ (୨୩ ବର୍ଷ)ଙ୍କ ମଧ୍ୟରେ ବହୁ ଦିନ ଧରି ପ୍ରେମ ସମ୍ପର୍କ ରହିଥିଲା। ବୁଧବାର ସକାଳୁ ଗ୍ରାମବାସୀ ଶୌଚ ହେବା ପାଇଁ ଯାଇଥିବା ବେଳେ ଏହି ପ୍ରେମୀ ଯୁଗଳଙ୍କୁ ଗଛରେ ଝୁଲୁଥିବାର ଦେଖିଥିଲେ। ଘଟଣା ସ୍ଥଳରେ ମୈଦଲପୁର ଥାନା ପୁଲିସ ପହଁଞ୍ଚି ତଦନ୍ତ ଆରମ୍ଭ କରିଛି । ତେବେ କେଉଁ କାରଣରୁ ପ୍ରେମୀଯୁଗଳ ଆତ୍ମହତ୍ୟା କଲେ ତାହା ପୁଲିସ ତଦନ୍ତ ଜାରି ରଖିଛି । ତେବେ ଏହି ଘଟଣା ଚର୍ଚ୍ଚାର ବିଷୟ ହୋଇଛି ।
