ନବରଙ୍ଗପୁର : ନବରଙ୍ଗପୁର ଜିଲା ବାରିକ ସଂଘର ଭାଟିଶାଳଗୁଡାସ୍ଥିତ ନୂତନ ଗୋଷ୍ଠୀ ସଭାଗୃହକୁ ନବରଙ୍ଗପୁର ବିଧାୟକ ସଦାଶିବ ପ୍ରଧାନୀ ଶୁଭ ଉଦ୍ଘାଟନ କରିଥିଲେ । ବାରିକ ସଙ୍ଘର ମୂଳଲକ୍ଷ୍ୟ ଓ ସଙ୍ଘ ତରଫରୁ ବିଭିନ୍ନ ସମାଜସେବା କାର୍ୟ୍ୟକୁ ଭୁୟସୀ ପ୍ରଶଂସା କରିଥିଲେ ଏବଂ ଗୋଷ୍ଠୀଗୃହ ଜନସାଧାରଣଙ୍କ ଜନହିତ କାର୍ୟ୍ୟକ୍ରମରେ ବ୍ୟବହାର ପାଇଁ ପରାମର୍ଶ ଦେଇଥିଲେ । ସଂଘର ସେବା କାର୍ୟ୍ୟରେ ସେ ସମସ୍ତ ସହଯୋଗ କରିବେ ବୋଲି କହିଥିଲେ। ଏହି ଗୋଷ୍ଠୀ ସଭାଗୃହ ଉଦଘାଟନ ଉତ୍ସବରେ ନବରଙ୍ଗପୁର ନଗର ବିଜେଡି ସଭାପତି ପ୍ରମୋଦ କୁମାର ରଥ, ବିଜେଡି ଜିଲା ସମ୍ପାଦକ ରବି ପଟ୍ଟନାୟକ, ଯୁବ ନେତା ତାପସ ତ୍ରିପାଠୀ, କ୍ରିଷ୍ଣା ତ୍ରିପାଠୀ ଓ ସଞ୍ଜୟ ନାୟକ ପ୍ରମୁଖ ଯୋଗ ଦେଇଥିଲେ । ବାରିକ ସଙ୍ଘର ସଭାପତି ଏନ. ଗଣେଶ ଅଧକ୍ଷତା କରିଥିବାବେଳେ ସଙ୍ଘର ସହ ସମ୍ପାଦକ ବି. ସିମାଞ୍ଚଳ, ଆର. ସନ୍ତୋଷ,ଉପଦେଷ୍ଟା ବି. ରାମୁ,ଏସ. ପ୍ରସାଦ ବାରିକ, କେ. ବାବୁ ରାଓ ପ୍ରମୁଖ ଉପସ୍ଥିତ ରହିଥିଲେ । ଏହି କାର୍ୟ୍ୟକ୍ରମରେ ବାରିକ ସଙ୍ଘର ସମସ୍ତ କର୍ମକର୍ତ୍ତା ଏବଂ ବୃଦ୍ଧିଜୀବୀ ଉପସ୍ଥିତ ରହିଥିଲେ । ପରେ ବାରିକ ସଙ୍ଘର ସଭାପତି ଏନ. ଗଣେଶଙ୍କ ଝିଆରୀଙ୍କ ର୍ନିବନ୍ଧ କାର୍ୟ୍ୟକ୍ରମରେ ନବରଙ୍ଗପୁର ବିଧାୟକ ଯୋଗଦେଇ ତାଙ୍କୁ ଆଶୀର୍ବାଦ ଦେଇଥିଲେ ।
Comments are closed.