ନବରଙ୍ଗପୁର: ଜାତି ଆଧାରିତ ଜନଗଣନା ଓ ପଛୁୃଆବର୍ଗ ଜନଗଣନା କରିବା, କୃଷି ଆଇନ ପ୍ରତ୍ୟାହାର, ଇଭିଏମ ବନ୍ଦ କରିବା, ଘରୋଇ କ୍ଷେତ୍ରରେ ଆରକ୍ଷଣ ଲାଗୁକରିବା, ପୁରୁଣା ଭତ୍ତା ଲାଗୁ ଯୋଜନା କରିବା, ଓଡିଶାରେ ଶିକ୍ଷା, ଚାକିରୀ ଓ ରାଜନୀତିରେ ପଛୁଆବର୍ଗଙ୍କୁ ୨୭ ପ୍ରତିଶତ ଲାଗୁ କରିବା, ନାରୀ ନିର୍ଯ୍ୟାତବା ବନ୍ଦ କରିବା ଓ ଦୋଷୀଙ୍କୁ ଫାଶୀ ଦଣ୍ଡର ପ୍ରାବଧାନ କରିବା ଦାବି କରି ରାଷ୍ଟ୍ରୀୟ ପଛୁଆବର୍ଗ ମୋର୍ଚ୍ଚା, ନବରଙ୍ଗପୁର ଜିଲା ପକ୍ଷରୁ ଜିଲାପାଳଙ୍କର କାର୍ଯ୍ୟାଳୟ ସମ୍ମୁଖରେ ଧାରଣା ଦିଆଯାଇଥିଲା। ଏହି ଦାବି ପୁରଣ ନହେଲେ ମୋର୍ଚ୍ଚାର ନିଷ୍ପତ୍ତି ପ୍ରକାରେ ଆସନ୍ତା ଆସନ୍ତା ୨୫ ରେ ଜେଲଭରୋ ଆନ୍ଦୋଳନ ଓ ଡିସେମ୍ବର ୧୦ରେ ଭାରତ ବନ୍ଦ କରାଯିବ ବୋଲି କୁହାଯାଇଛି।
ଏଥିରେ ଅବିଭକ୍ତ କୋରାପୁଟ ଜିଲା ମୂଳ ନିବାସୀ ପରିଷଦ ଅଧ୍ୟକ୍ଷ ଚନ୍ଦ୍ରଧ୍ୱଜ ମାଝୀ, ଭାରତ ମୁକ୍ତି ମୋର୍ଚ୍ଚାର ମୋର୍ଚ୍ଚାର ରାଜ୍ୟ କାର୍ଯ୍ୟକାରୀ ସଭାପତି ଦୁର୍ଯ୍ୟୋଧନ ଜାଲ, ରାଜ୍ୟ ଉପସଭାପତି ନରହରି ନାୟକ, ରାଷ୍ଟ୍ରୀୟ ପଛୁଆବର୍ଗ ମୋର୍ଚ୍ଚାର କଳାହାଣ୍ଡି ପ୍ରଭାରୀ ଚନ୍ଦ୍ର ଶେଖର ଗୋପାଳ, ଚିଙ୍କୁ ଭତରା, ରାଷ୍ଟ୍ରୀୟ ପଛୁଆବର୍ଗ ମୋର୍ଚ୍ଚା ଜିଲା ସଭାପତି ଲବ ଗୈାଡ, ଜିଲା ଯାଦବ ସମାଜ ସଭାପତି କାର୍ତ୍ତୀକ ବାଘ, ବବ୍ରୁବାହନ ନାୟକ,ବେଲାଲ ସେନ ମିର୍ଗାନ, ଚୈତୁ ଜାନୀ ଓ ଅନୀଲ ଦାସ ପ୍ରମୂଖ ଧାରଣାରେ ବସିଥିଲେ।
