ଭୁବନେଶ୍ବର: ରାଜଧାନୀରେ ଜଣେ ଯୁବକଙ୍କୁ ପଥରରେ ଛେଚି ହତ୍ୟା କରାଯାଇଥିବା ସୂଚନା ମିଳିଛି। ମିଳିଥିବା ସୂଚନା ଅନୁଯାୟୀ ଭୁବନେଶ୍ବର ରାଜରାସ୍ତାରେ ଯୁବକଙ୍କୁ ପଥରରେ ଛେଚି ହତ୍ୟା କରାଯାଇଛି। ରାଜମହଲ-ଶିଶୁଭବନ ରାସ୍ତାରେ ପଥରରେ ଛେଚି ନୃସଂଶ ହତ୍ୟା ଭାବେ ଜଣେ ବ୍ୟକ୍ତି ହତ୍ୟା କରିଥିବା ଜଣାପଡ଼ିଛି। ଦେଖଣାହାରୀଙ୍କ କହିବା ଅନୁଯାୟୀ ପ୍ରଥମେ ଦୁଇଜଣ ବ୍ୟକ୍ତିଙ୍କ ମଧ୍ୟରେ ବଚସା ହୋଇଥିଲା। ବଚସାରୁ ଜଣେ ଯୁବକ ଅନ୍ୟ ଜଣେ ଯୁବକଙ୍କୁ ଆକ୍ରମଣ କରାଯାଇଥିବା ସୂଚନା ମିଳିଛି। ମୃତ ଯୁବକଙ୍କ ପରିଚୟ ଅସ୍ପଷ୍ଟ ଥିବାବେଳେ କ୍ୟାପିଟାଲ ଥାନାରେ ଜଣେ ଅଟକ ରହିଥିବା ଜଣାପଡ଼ିଛି।
କ୍ୟାପିଟାଲ ଥାନା ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଛି। ମୃତ ଯୁବକଙ୍କ କେବଳ ମୁଣ୍ଡରେ ଗଭୀର ଆଘାତ ଲାଗିଛି ଏବଂ ତାଙ୍କ ଶରୀରର ଅନ୍ୟ ସ୍ଥାନରେ କ୍ଷତ ଚିହ୍ନ ଦେଖିବାକୁ ମିଳିନାହିଁ। ତେବେ କେବଳ ବଚସା କିମ୍ବା କେଉଁ କାରଣରୁ ଏଭଳି ନୃସଂଶ ହତ୍ୟାକାଣ୍ଡ ଘଟିଛି ସେଥିନେଇ ପୁଲିସ ଛାନଭିନ ଚଳାଇଛି। ରାଜମହଲ ଛକରୁ ଶିଶୁଭବନ ଛକ ରାସ୍ତା ସବୁବେଳେ ଜନଗହଳିପୂର୍ଣ୍ଣ ରହିଥାଏ। ଆଜି ସପ୍ତାହନ୍ତ ସଟଡାଉନ ତଥା ଝିପି ଝିପି ବର୍ଷା ଲାଗି ରହିଥିବାରୁ ଏହି ରାସ୍ତାଟି ସମ୍ପୂର୍ଣ୍ଣ ଶୂନଶାନ ରହିଥିଲା। ଏହି ସମୟରେ ଦୁଇଜଣଙ୍କ ମଧ୍ୟରେ ବଚସା ହେବା ପରେ ହତ୍ୟାକାଣ୍ଡ ଘଟିଛି।
