ମୟୁରଭଞ୍ଜ: ରାଗ ହିଁ ମଣିଷର ପରମଶତ୍ରୁ। ଏହି ରାଗରୁ ଜଣେ ବାପା ନିଜର ସମସ୍ତ ହିତାହିତ ଜ୍ଞାନ ଭୁଲି ଝିଅକୁ ହତ୍ୟା କରିଛି। ଏପରି ଘଟଣା ଘଟିଛି ମୟୁରଭଞ୍ଜ ଜିଲାର ବାରିପଦା ସଦର ଥାନା ଗୋବର୍ଦ୍ଧନଷୋଳ ଗ୍ରାମରେ। ନିଜ ୧୦ବର୍ଷର ଝିଅର ବେକ କାଟି ହତ୍ୟା କରିଛି ଅଭିଯୁକ୍ତ ବାପା ଶନିଆ ଦେହୁରୀ।
ବୁଧବାର ରାତିରେ ଶନିଆ ଓ ତା ସ୍ତ୍ରୀ ମଧ୍ୟରେ କଳହ ହୋଇଥିଲା। କଳହ ପରେ ଶନିଆ ନିଜର ଝିଅକୁ ଘର ଭିତରକୁ ନେଇ ଭିତର ପଟୁ କବାଟ ବନ୍ଦ କରି ଦେଇଥିଲା। ଝିଅର ଚିତ୍କାର ଶୁଣି ପାଖପଡ଼ିଶା ପୁଲିସକୁ ଖବର ଦେଇଥିଲେ। ସକାଳେ ଆସି ଘର ଭିତରେ ଝିଅର ଗୋଡ଼ହାତ ବନ୍ଧା ହୋଇ ତଣ୍ଟି କଟା ହୋଇଥିବାର ପୁଲିସ ଦେଖିବାକୁ ପାଇଥିଲା। ଅଭିଯୁକ୍ତକୁ ଗିରଫ କରି କେଉଁ କାରଣରୁ ନିଜ ଜନ୍ମ କଲା ଝିଅକୁ ହତ୍ୟା କଲା ତାହା ନେଇ ପୁଲିସ୍ ବର୍ତ୍ତମାନ ତଦନ୍ତ ଜାରି ରଖିଛି।
