ପାଟଣା : ସାହାରପଡା ବ୍ଲକ ଅନ୍ତର୍ଗତ ତଣ୍ଡୋ ଗ୍ରାମର ମୁନି କୀର୍ତ୍ତନ ମହାନ୍ତଙ୍କ ବାସଭବନରେ ମୁନି ସମାଜର ଏକ ସତସଙ୍ଗ ଅନୁଷ୍ଠିତ ହୋଇଯାଇଛି।ଏଥିରେ କେନ୍ଦୁଝର ଜିଲ୍ଲା ମୁନି ସମାଜର ଅଧ୍ୟକ୍ଷ ଯୋଗାଚାର୍ଯ୍ୟ ମୀନକେତନ ମୁନି ସତ୍ୟ ପତାକା ଉତ୍ତୋଳନ କରିବା ସହିତ ଜ୍ଞାନଯଜ୍ଞରେ ଅଧ୍ୟକ୍ଷତା କରିଥିଲେ। ଯୋଗାଚାର୍ଯ୍ୟ ତ୍ରିଲୋଚନ ମୁନି ସମ୍ମାନିତ ଅତିଥି ଭାବେ, ଯୋଗୀ ଶମ୍ଭୁନାଥ ମୁନି ମୁଖ୍ୟ ବକ୍ତା ଭାବେ, ମୁନିମତୀ କୁମୁଦିନୀ ମୁନି ସମ୍ମାନିତ ବକ୍ତା ଭାବେ, ଯୋଗୀ ଲକ୍ଷ୍ମୀ ବଲ୍ଲଭ ସମ୍ମାନିତ ଅତିଥି ଭାବେ, ଯୋଗୀ ଗୋପୀନାଥ ମୁନି ଓ ଯୋଗୀ ଫକିର ଚରଣ ମୁନି ସମ୍ମାନିତ ଅତିଥି ଭାବେ ମଞ୍ଚାସିନ ହୋଇଥିଲେ। ଏହି ସତସଙ୍ଗ ସଭାର ପ୍ରାରମ୍ଭରେ ମୁନି କୀର୍ତ୍ତନ ମହାନ୍ତ ତାଙ୍କ ପରିବାର ବର୍ଗ ମାତୃପୂଜନ କାର୍ଯ୍ୟ କରିଥିଲେ। ମଞ୍ଚାସିନ ଅତିଥିଗଣ ଯୋଗ, ସ୍ୱାସ୍ଥ୍ୟ ଆତ୍ମଜ୍ଞାନ ଓ ସ୍ଵତନ୍ତ୍ର ବିଚାର ଉପରେ ନିଜ ନିଜର ବକ୍ତବ୍ୟ ପ୍ରଦାନ କରିଥିଲେ । ମୁନି ଅଯୋଧ୍ୟା ନାୟକ ଏକ ଆଧ୍ୟାତ୍ମିକ ସଙ୍ଗୀତ ପରିବେଷଣ କରି ଥିଲେ । ଶେଷରେ ସଭାପତି ତାଙ୍କର ସଭାପତିତ୍ବ ଭାଷଣ ପ୍ରଦାନ କରି ସଭା ସାଙ୍ଗ କରିଥିଲେ।
Comments are closed.