ଆଗ୍ରା: ଆଗ୍ରାର ସିକନ୍ଦରା ଥାନା ଅଞ୍ଚଳରେ କାଦୁଅ ଧସିପଡିବା କାରଣରୁ ୧୨ ଜଣ ଶିଶୁ ପୋତି ଦିଆଯାଇଥିଲେ। ପିଲାମାନେ ଖେଳିବା ପାଇଁ ପୋଖରୀ ନିକଟରେ ଥିବା ଗର୍ତ୍ତରେ ପହଞ୍ଚିଥିଲେ, ଯେତେବେଳେ ହଠାତ୍ ସେମାନଙ୍କ ଉପରେ ଏକ କାଦୁଅ ଧସି ପଡିଥିଲା। ଏଥିରେ ତିନି ଶିଶୁଙ୍କର ମୃତ୍ୟୁ ଘଟିଛି।
ଭୁଶୁଡ଼ିବା ମାତ୍ରେ ଚିତ୍କାର ଶୁଣି ଗ୍ରାମବାସୀମାନେ ଭିଡ଼ ଜମାଇଥିଲା। ସୂଚନାପାଇବା ପରେ ପୁଲିସ ଘଟଣାସ୍ଥଳରେ ପହଞ୍ଚି ଜେସିବିକୁ ଡାକି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା। ଜେସିବି ସହାୟତାରେ କାଦୁଅ ତଳେ ଫସି ରହିଥିବା ୭ଜଣ ଶିଶୁଙ୍କୁ ବାହାରକୁ ନିଆଯାଇଥିବାବେଳେ ଅନ୍ୟ ପିଲାଙ୍କ ସନ୍ଧାନ ଜାରି ରହିଛି।
ଆହତ ପିଲାମାନଙ୍କୁ ଚିକିତ୍ସା ପାଇଁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି। ଏହି ଘଟଣା ପରେ ସ୍ଥାନୀୟ ଗ୍ରାମବାସୀଙ୍କ ମଧ୍ୟରେ କ୍ରୋଧର ବାତାବରଣ ସୃଷ୍ଟି ହୋଇଛି। ଜେସିବି ବିଳମ୍ବରେ ପହଞ୍ଚିବା ହେତୁ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା।
मुख्यमंत्री योगी आदित्यनाथ ने जनपद आगरा की किरावली तहसील के गांव रूनकता में मिट्टी की ढाय गिरने की दुर्घटना में बच्चों की मौत पर शोक व्यक्त किया। मुख्यमंत्री ने ज़िला प्रशासन को घायलों के समुचित इलाज की व्यवस्था करने के निर्देश दिए हैंः उत्तर प्रदेश मुख्यमंत्री कार्यालय https://t.co/Ey4Ngda3aJ pic.twitter.com/e7A6saB1kJ
— ANI_HindiNews (@AHindinews) December 31, 2020
ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଦୁର୍ଘଟଣାରେ ମୃତ୍ୟୁବରଣ କରିଥିବା ଶିଶୁ ପାଇଁ ଶୋକ ପ୍ରକାଶ କରିଛନ୍ତି। ଆହତଙ୍କ ଉପଯୁକ୍ତ ଚିକିତ୍ସା ପାଇଁ ବ୍ୟବସ୍ଥା କରିବାକୁ ଜିଲ୍ଲା ପ୍ରଶାସନ ନିର୍ଦ୍ଦେଶ ଦେଇଛନ୍ତି।
