ଗୋପାଳପୁର : ଗୋଳନ୍ଥରା ଥାନା ଅନ୍ତର୍ଗତ ଗୋଳନ୍ଥରା ପୂର୍ଣିମା ନଗରରେ ରହୁଥିବା ସାମ୍ବାଦିକଙ୍କ ମଟରସାଇକେଲ ଘର ସମ୍ମୁଖରୁ ଚୋରି ଯାଇଥିବା ନେଇ ଗୋଳନ୍ଥରା ଥାନାରେ ଲିଖିତ ଅଭିଯୋଗ କରାଯାଇଛି । ଅଭିଯୋଗ ଅନୁଯାୟୀ ପ୍ରଗତିବାଦୀ ଖବରକାଗଜର ରଙ୍ଗେଇଲୁଣ୍ଡା ବ୍ଲକ ସାମ୍ବାଦିକ ମୁନା ପଟ୍ଟନାୟକ ନିଜ କଳା ରଙ୍ଗର ପଲସର ମୋଟରସାଇକେଲ (ଓଡି ୦୭ ଏସି ୮୮୦୨) କୁ ବୁଧବାର ରାତିରେ ଘର ସମ୍ମୁଖରେ ପାର୍କିଂ କରିଥିଲେ। ଗୁରୁବାର ସକାଳେ ଘର ସମ୍ମୁଖରେ ମଟରସାଇକେଲଟି ନଥିବା ବେଳେ ଚୋରି ଯାଇଥିବା ଜାଣିବାକୁ ପାଇଥିଲେ। ବହୁ ଖୋଜା ଖୋଜି ସହ ସାହିରେ ଥିବା ସିସିଟିଭି ଫୁଟେଜ ଯାଞ୍ଚ ସମୟରେ ଦୁଇ ଜଣ ମୁଖା ପିନ୍ଧା ଯୁବକ ରାତି ପ୍ରାୟ ୨ ଟା ବେଳେ ସାମ୍ବାଦିକଙ୍କ ଘର ସମ୍ମୁଖରେ ପହଞ୍ଚି ମଟରସାଇକେଲଟିକୁ ଚୋରି କରି ନେଇଥିବା ଦେଖିବାକୁ ପାଇଥିଲେ। ଘଟଣା ନେଇ ମୁନାଙ୍କ ପକ୍ଷରୁ ଗୋଳନ୍ଥରା ଥାନାରେ ଲିଖିତ ଅଭିଯୋଗ କରାଯାଇଛି। ସୂଚନାଯୋଗ୍ୟ ଯେ ଗତ ଏକ ବର୍ଷ ମଧ୍ୟରେ ୨ଡଜନରୁ ଉର୍ଦ୍ଧ୍ବ ମଟରସାଇକେଲ ଚୋରି ନେଇ ଗୋଳନ୍ଥରା ଥାନାରେ ଅଭିଯୋଗ ହୋଇଥିବା ବେଳେ ପୁଲିସ ପକ୍ଷରୁ କେବଳ ୨ଟି ମୋଟରସାଇକେଲ ଉଦ୍ଧାର ହୋଇ ପାରିଥିବା ଜଣାପଡିଛି।
Popular Categories
Previous article
Next article