ମୁମ୍ବଇ : ବଲିଉଡ଼ରେ କିଛିଦିନ ହେବ ବାୟୋପିକର ସୁଅ ଛୁଟିଛି କହିଲେ ଅତ୍ୟୁକ୍ତି ହେବନାହିଁ। ଅନେକ ବିଶିଷ୍ଟ ବ୍ୟକ୍ତିତ୍ୱଙ୍କ ବାୟୋପକ୍ ନିର୍ମାଣ କରାଯିବା ପରେ ଏବେ ଖବର ମିଳିଛି ଖୁବଶୀଘ୍ର ଭାରତ ରତ୍ନ ମଦର ଟେରେସାଙ୍କ ଜୀବନୀକୁ ନେଇ ନିର୍ମାଣ ହେବ ଚଳଚ୍ଚିତ୍ର।
ସୂଚନା ଅନୁସାରେ, ଚଳଚ୍ଚିତ୍ର ନିର୍ମାତା ପ୍ରଦୀପ ଶର୍ମା, ନିତିନ ମନମୋହନ, ଗିରୀଶ ଜୋହର ଓ ପ୍ରାଚୀ ମନମୋହନଙ୍କ ମିଳିତ ପ୍ରଯୋଜନାରେ ‘ମଦର ଟେରେସା : ଦି ସନ୍ଥ’ ନାମକ ଏହି ବାୟୋପିକ ନିର୍ମାଣ ହେବ। ଚଳଚ୍ଚିତ୍ରର ନିର୍ଦ୍ଦେଶନା ଭାର ସୀମା ଉପାଧ୍ୟାୟ ବହନ କରିବେ। ମାତ୍ର ଚଳଚ୍ଚିତ୍ରରେ ମଦର ଟେରେସାଙ୍କ ଭୂମିକାରେ କିଏ ଅଭିନୟ କରିବେ ଏନେଇ କିଛି ସ୍ଥିର କରାଯାଇ ନାହିଁ। ମିଳିଥିବା ଖବର ଅନୁସାରେ, ବଲିଉଡ଼ ଓ ହଲିଉଡ଼ର ପ୍ରସିଦ୍ଧ କଳାକାରମାନଙ୍କୁ ଏହି ଚଳଚ୍ଚିତ୍ରରେ ଦେଖିବାକୁ ମିଳିବ ଓ ଏହା ଆସନ୍ତା ବର୍ଷ ମୁକ୍ତିଲାଭ କରିବ।