ଭୁବନେଶ୍ବର: ଗଜପତି ଜିଲା ମୋହନା ଥାନା ଅନ୍ତର୍ଗତ ଲେଢ଼ବନ୍ଧ ବୁଲାଣି ରାସ୍ତାରେ ଦୁଇ ବାଇକ୍ ମୁହାମୁହିଁ ଧକ୍କା ହେବା ଫଳରେ ତିନି ବାଇକ୍ ଆରୋହୀ ଗୁରୁତର ହୋଇଛନ୍ତି। ସୂଚନା ଅନୁସାରେ ଗଜପତି ଜିଲା ନୂଆଗଡ ବ୍ଲକ୍ ଅନୁଗୁର ଗ୍ରାମର ଅଭୟ ରଇତ(୨୩) ଓ ସଞ୍ଜୀବ ମାଝୀ (୨୩) ଗଞ୍ଜାମ ଜିଲା ଡେଙ୍ଗାବସ୍ତା ଗ୍ରାମରୁ କିଛି ଘରୋଇ ସାମାନ କିଣି ଫେରୁଥିଲେ ଓ ଆର୍ ଉଦୟଗିରି ଥାନା ଅନ୍ତର୍ଗତ ଆମ୍ବଗାଁ ଗ୍ରାମର ଈଶ୍ୱର ଦଳାଇ ନାମକ ଯୁବକ ମୋହନାରୁ ବ୍ରହ୍ମପୁର ଅଭିମୁଖେ ଯିବା ସମୟରେ ମୁହାଁ ମୁହିଁ ଧକ୍କା ହୋଇଥିଲା। ଯାହା ଫଳରେ ତିନିଜଣ ଗୁରୁତର ଅବସ୍ଥାରେ ରାସ୍ତାରେ ପଡ଼ି ରହିଥିଲେ। ସଙ୍ଗେ ସଙ୍ଗେ ସ୍ଥାନୀୟ ଲୋକେ ଆମ୍ବୁଲାନ୍ସ ଓ ପୋଲିସକୁ ଫୋନ୍ କରିଥଲେ। ଘଟଣା ସ୍ଥଳରେ ଜରୁରୀ କାଳୀନ ଗାଡ଼ି ୧୧୨ ଓ ୧୦୮ ପହଞ୍ଚି ମୋହନା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରି ପ୍ରାଥମିକ ଚିକିତ୍ସା କରାଯାଇଥିଲା। ଈଶ୍ୱର ଓ ସଞ୍ଜୀବ ସ୍ୱାସ୍ଥ୍ୟବସ୍ଥା ଗୁରୁତର ଥିବାରୁ ବ୍ରହ୍ମପୁର ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଛି। ଘଟଣା ସ୍ଥଳରେ ମୋହନା ପୁଲିସ୍ ପହଞ୍ଚି ତଦନ୍ତ ଚଳାଇଛି।
Comments are closed.