ଅଟୋ ଓଲଟି ନାବାଳକ ମୃତ

ମୋହନା: ଗଜପତି ଜିଲ୍ଲା ଅଡବା ଥାନା ଅନ୍ତର୍ଗତ ଝିଲିକି ମଶାଣି ଛକ ନିକଟରେ ଦୁର୍ଘଟଣା ଘଟିଛି । ଅଟୋ ଓଳଟିପଡ଼ିବା ଫଳରେ ଜଣେ ଯାତ୍ରୀଙ୍କ ମୁତ୍ୟୁ ଘଟିଛି  l ଶୁକ୍ରବାର ବିଳମ୍ବିତ ରାତିରେ ଅଡବାରୁ ଏକ ଅଟୋ ନଂ- ଓଡ଼ି୦୭ ଜେ ୩୨୮୦ ଯୋଗେ ଅଡବା ଗ୍ରାମର ଉଜ୍ୱଳ ପାତ୍ର, ଧୋବା ବେହରଦଳାଇ ଓ ପୁନିଆ ମହାନ୍ତି ଏକ ବାହାଘର ଭୋଜିରେ ଯୋଗ ଦେବା ପାଇଁ ଝିଲିକି ଗ୍ରାମକୁ ଯାଇଥିଲେ l ସେଠାରେ ବରଯାତ୍ରୀ ପଟୁଆରରେ ଯୋଗଦେଇ ଅଡବା ଫେରିବା ବେଳେ ଅଟୋଟି ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ଥ ହୋଇଥିଲା l ଫଳରେ ଅଟୋରେ ଥିବା ଜଣେ ନାବାଳକଙ୍କ ମୃତ୍ୟୁ ଘଟିଥିଲା । ତାଙ୍କ ଘର ଅଡବା ବୋଲି ଜଣାପଡିଛି। ଅନ୍ୟ ଦୁଇଜଣ ମଧ୍ୟ ଅଡବା ଗ୍ରାମର । ଦୁର୍ଘଟଣା ଘଟିବା ପରେ ଅନ୍ୟମାନେ କେଉଁ ଆଡେ ଚାଲି ଯାଇଛନ୍ତି । ବର୍ତ୍ତମାନ ସୁଦ୍ଧା ସେମାନଙ୍କର ପତ୍ତା ମିଳୁନାହିଁ l ଘଟଣାସ୍ଥଳରେ ଅଡବା ପୁଲିସ ପହଞ୍ଚି ମୃତଦେହକୁ ଜବତ କରିବା ସହ ତଦନ୍ତ ଜାରି ରଖିଛି l