ନୂଆଦିଲ୍ଲୀ : ପାକିସ୍ତାନର ଦ୍ରୁତ ବୋଲର ମହମ୍ମଦ ଅମୀର ଶୁକ୍ରବାର ଟେଷ୍ଟ କ୍ରିକେଟରୁ ଅବସର ଘୋଷଣା କରିଛନ୍ତି। ମହମ୍ମଦ ଅମୀର ନିଜ ଟେଷ୍ଟ କ୍ରିକେଟ ଜୀବନର ଆରମ୍ଭ ଶ୍ରୀଲଙ୍କା ବିପକ୍ଷ ମ୍ୟାଚରୁ କରିଥିଲେ। ସେ ପାକିସ୍ତାନ ପକ୍ଷରୁ ୩୬ଟି ଟେଷ୍ଟ ମ୍ୟାଚ ଖେଳି ୧୧୯ଟି ୱିକେଟ ହାସଲ କରିଛନ୍ତି। ପାକିସ୍ତାନ କ୍ରିକେଟ ବୋର୍ଡ (ପିସିବି)ପକ୍ଷରୁ ଏନେଇ ଏକ ପ୍ରେସବିଜ୍ଞପ୍ତି ଜାରି କରାଯାଇଛି।
ଏହି ଅବସରରେ ଅମୀର କହିଛନ୍ତି ଯେ କ୍ରିକେଟର ସବୁଠୁ ବଡ଼ ଫର୍ମାଟରେ ପାକିସ୍ତାନ ପାଇଁ ପ୍ରତିନିଧିତ୍ୱ କରିବା ସମ୍ମାନର କଥା ଅଟେ। ସୀମିତ ଓଭର କ୍ରିକେଟର ଅଧିକ ଧ୍ୟାନ କେନ୍ଦ୍ରୀଭୂତ କରିବା ପାଇଁ ମୁଁ ଏହି ନିଷ୍ପତ୍ତି ନେଇଛି। ଏହା ଏକ ସହଜ ନିଷ୍ପତ୍ତି ନଥିଲା। ଟେଷ୍ଟ ଚମ୍ପିଆନସିପ ଆରମ୍ଭ ହେବାକୁ ଯାଉଛି ଓ ପାକିସ୍ତାନ କ୍ରିକେଟ ଦଳରେ ଅନେକ ଭଲ ଦ୍ରୁତ ବୋଲର ଅଛନ୍ତି। ମୋର ଏହି ନିଷ୍ପତ୍ତି ଚୟନକର୍ତ୍ତାଙ୍କ ପାଇଁ ଯୋଜନା ପ୍ରସ୍ତୁତ କରିବାରେ ସହଜ ହେବ।
Comments are closed.