ଡେସ୍କ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଶିକ୍ଷାଗତ ଯୋଗ୍ୟତାକୁ ନେଇ ଆମ୍ ଆଦମୀ ପାର୍ଟି ନେତା ଅରବିନ୍ଦ କେଜରୀଓ୍ଵାଲ ଓ ସଞ୍ଜୟ ସିଂହଙ୍କ ବିରୋଧରେ ଅପରାଧିକ ମାନହାନି ମାମଲାରେ ଜାରି ହୋଇଥିବା ସମନକୁ ରଦ୍ଦ କରିବା ପାଇଁ ହୋଇଥିବା ଆବେଦନକୁ ଗୁଜୁରାଟ ହାଇକୋର୍ଟ ଖାରଜ କରିଦେଇଛନ୍ତି।
ଦିଲ୍ଲୀ ମୁଖ୍ୟମନ୍ତ୍ରୀ କେଜରୀଓ୍ଵାଲ ଏବଂ ‘ଆପ’ର ରାଜ୍ୟସଭା ସଦସ୍ୟ ସଞ୍ଜୟ ସିଂହ ଗୁଜୁରାଟ ବିଶ୍ୱବିଦ୍ୟାଳୟ ଦ୍ୱାରା ଦାୟର ମାମଲାରେ ନିମ୍ନ ଅଦାଲତର ସମନ ଏବଂ ପରବର୍ତ୍ତୀ ସମୟରେ ସେସନ୍ସ କୋର୍ଟ ସମନ ବିରୋଧରେ ସେମାନଙ୍କ ପୁନର୍ବିଚାର ଆବେଦନକୁ ଖାରଜ କରିବାକୁ ଦେଇଥିବା ଆଦେଶକୁ ଚ୍ୟାଲେଞ୍ଜ କରିଥିଲେ।
ସେମାନଙ୍କ ଆବେଦନକୁ ଖାରଜ କରି ବିଚାରପତି ହସମୁଖ ସୁଥାର ଦୁଇ ଆପ୍ ନେତାଙ୍କୁ ନିମ୍ନ ଅଦାଲତରେ ନିଜର ଯୁକ୍ତି ଉପସ୍ଥାପନ କରିବାକୁ ନିର୍ଦ୍ଦେଶ ଦେଇଛନ୍ତି।
Comments are closed.