ମୁମ୍ବାଇ ..- ନରେନ୍ଦ୍ର ମୋଦୀ ପୁଣି ପ୍ରଧାନମନ୍ତ୍ରୀ ହେବେ ବୋଲି ଜନତା ଦଳ (ସଂଯୁକ୍ତ)ର ଜାତୀୟ ଉପସଭାପତି ପ୍ରଶାନ୍ତ କିଶୋର ଭବିଷ୍ୟବାଣୀ କରିଛନ୍ତି । ଗତବର୍ଷ ସେପ୍ଟେମ୍ବର ମାସରେ ପ୍ରଶାନ୍ତ କିଶୋର ଜେଡିୟୁରେ ଯୋଗଦାନ କରିଥିଲେ । ସୋମବାରରେ ସେ ଶିବସେନା ପ୍ରମୁଖ ଉଦ୍ଧବ ଠାକରେଙ୍କୁ ଭେଟିବା ପାଇଁ ମୁମ୍ବାଇ ଆସିଥିଲେ । ଏହାପରେ ସେ ମୋଦୀ ପ୍ରଧାନମନ୍ତ୍ରୀ ହେବେ ବୋଲି ସାମ୍ବାଦିକମାନଙ୍କୁ ସୂଚନା ଦେଇଛନ୍ତି ।
୨୦୧୪ ମସିହାରେ ପ୍ରଶାନ୍ତ ମୋଦୀଙ୍କ ପାଇଁ ନିର୍ବାଚନ ପ୍ରଚାର ପରିଚାଳନା କରିଥିଲେ । ସେ ସମୟରେ ନରେନ୍ଦ୍ର ମୋଦୀ ବିଜେପିର ପ୍ରଧାନମନ୍ତ୍ରୀ ପ୍ରାର୍ଥୀ ଥିଲେ । ବିଜେପି ୨୦୧୪ ସାଧାରଣ ନିର୍ବାଚନରେ ପୂର୍ଣ୍ଣ ବହୁମତ ହାସଲ କରିଥିଲା । ଚଳିତ ଥର ମୋଦୀଙ୍କ ନେତୃତରେ ଏନ୍ଡିଏ ଭଲ ପ୍ରଦର୍ଶନ କରିବ । ଏଥିରେ ନୀତିଶ କୁମାର ବଡ ଭୂମିକା ନିର୍ବାହ କରିବେ ବୋଲି ପ୍ରଶାନ୍ତ କିଶୋର ପୂର୍ବାନୁମାନ କରିଛନ୍ତି ।
