ବ୍ରହ୍ମପୁର : ଜଣେ ରୋଗୀ ସମ୍ପର୍କୀୟଙ୍କ ଦୁର୍ବ୍ୟବହାର ପ୍ରତିବାଦରେ ଏମକେସିଜି ମେଡିକାଲ କଲେଜ ଓ ହସପିଟାଲରର ପାରାମେଡିକାଲ ଛାତ୍ରଛାତ୍ରୀ ଧାରଣା ଦେଇଥିଲେ। ଅଭିଯୁକ୍ତଙ୍କୁ ତୁରନ୍ତ ଗିରଫ କରିବାକୁ ସେମାନେ ଦାବି କରିଥିଲେ। ଏମକେସିଜିର ପିଏମଆର କୋଠାରେ ଚିକିତ୍ସିତ ହେଉଥିବା ଜଣେ ମହିଳା ରୋଗୀଙ୍କ ସ୍ବାମୀ ଗତକାଲି ଜଣେ ଷ୍ଟାଫ ନର୍ସଙ୍କୁ ଦୁର୍ବ୍ୟବହାର କରିବା ସହ ଏକ୍ସ-ରେ ବିଭାଗରେ କାର୍ଯ୍ୟରତ ପାରା ମେଡିକାଲ ଛାତ୍ରଛାତ୍ରୀଙ୍କୁ ଗାଳିଗୁଲଜ ଓ ଦୁର୍ବ୍ୟବହାର କରିଥିଲେ। ଯାହାକୁ ନେଇ ଛାତ୍ରଛାତ୍ରୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା। ଆଜି ସକାଳୁ ଶତାଧିକ ପାରାମେଡିକାଲ ଛାତ୍ରଛାତ୍ରୀମାନେ କାର୍ଯ୍ୟବନ୍ଦ କରି ଏକ୍ସ-ରେ ବିଭାଗ ସମ୍ମୁଖରେ ଧାରଣାରେ ବସିଥିଲେ। ଏମକେସିଜି କର୍ତ୍ତୃପକ୍ଷ ଓ ବରିଷ୍ଠ ପୁଲିସ ଅଧିକାରୀ ଘଟଣାସ୍ଥଳରେ ପହଞ୍ଚି ବୁଝାସୁଝା ପରେ ଧାରଣା ପ୍ରତ୍ୟାହୃତ ହୋଇଥିଲା। କାର୍ଯ୍ୟବନ୍ଦ ଆନ୍ଦୋଳନ ଯୋଗୁ ପ୍ରାୟ ୩ ଘଣ୍ଟା ଧରି ଏମକେସିଜିରେ ଏକ୍ସ-ରେ ଓ ଅଲଟ୍ରାସାଉଣ୍ଡ ସେବା ବନ୍ଦ ରହିଥିଲା।
Comments are closed.