ନୂଆଦିଲ୍ଲୀ : ଦେଶରେ କରୋନାର କାୟା ଏବେ ମଧ୍ୟ ରହିଛି। ଏଭଳି ସମୟରେ କରୋନାର ସମସ୍ତ ନିୟମକୁ ପାଳନ ସହ ଟିକାକରଣରକୁ ଅଧିକ ଗୁରୁତ୍ୱ ଦିଆଯାଉଛି। ଟିକାକରଣ ସଂକ୍ରମଣକୁ ରୋକିବାରେ ମଧ୍ୟ ଏକ ମୁଖ୍ୟ ବିକଳ୍ପ ବୋଲି ବିଶେଷଜ୍ଞମାନେ ମତ ପ୍ରକାଶ କରିଛନ୍ତି। ଏବେ ମଧ୍ୟ ଦେଶରେ ଟିକାକୁ ନେଇ ପରୀକ୍ଷା ଜାରି ରହିଛି। ଏଭଳି ପରିସ୍ଥିତିରେ ଅନ୍ୟ ଦେଶ ଭଳି ଭାରତରେ ମଧ୍ୟ ଟିକାର ମିଶ୍ରିତ ପାନକୁ ନେଇ ପରୀକ୍ଷା ଜାରି ରହିଛି।
ଏହି ପରୀକ୍ଷାକୁ ନେଇ ଇଣ୍ଡିଆନ କାଉଁସିଲ ଅଫ ମେଡିକାଲ ରିସର୍ଚ୍ଚ (ଆଇସିଏମଆର) ପକ୍ଷରୁ ମିଳିଥିବା ସୂଚନା ଅନୁଯାୟୀ, କୋଭାକ୍ସିନ ଓ କୋଭିସିଲ୍ଡର ମିଶ୍ରିତ ପାନ ସର୍ବାଧିକ ପ୍ରଭାବଶାଳୀ। ଏହି ମିଶ୍ରିତ ଟିକା ନେଉଥିବା ବ୍ୟକ୍ତିଙ୍କ ଶରୀରରେ ଅଧିକ ରୋଗ ପ୍ରତିରୋଧକ ଶକ୍ତି ସୃଷ୍ଟି କରିଥାଏ। ଏହାସହ ବିଶେଷଜ୍ଞ କାର୍ଯ୍ୟ ସମିତି (ଏସଇସି) ମଧ୍ୟ କିଛିଦିନ ପୂର୍ବରୁ କୋଭିସିଲ୍ଡ ଓ କୋଭାକ୍ସିନର ମିଶ୍ରିତ ଡ଼ୋଜ ସହ ନାକରେ ପକାଯାଉଥିବା ଭାରତ ବାୟୋଟେକର ଟିକା ଉପରେ ଅଧ୍ୟୟନ କରିବାକୁ ମଞ୍ଜୁରୀ ପ୍ରଦାନ କରିଥିଲେ। ଏହି ସମୟରେ ଏସଇସି ଜଣାଇଥିଲେ ଅନ୍ୟ ଦେଶରେ ମିଶ୍ରିତ କରୋନା ଟିକା ଦିଆଯାଉଛି। ଏହାର ପରିଣାମ ମଧ୍ୟ ଭଲ। କୋଭିସିଲ୍ଡ ଓ କୋଭାକ୍ସିନର ମିଶ୍ରିତ ପାନ ଦିଆଯାଉଥିବା ଲୋକଙ୍କ ନିକଟରେ ନକରାତ୍ମକ ପ୍ରଭାବ ଦେଖିବାକୁ ମିଳିନାହିଁ।
Study on mixing & matching of COVID vaccines, Covaxin&Covishield shows better result: ICMR
Immunization with combination of an adenovirus vector platform-based vaccine followed by inactivated whole virus vaccine was not only safe but also elicited better immunogenicity: Study pic.twitter.com/wDVZ6Q2TvU
— ANI (@ANI) August 8, 2021
