କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକର ପୂଜାରୀଗୁଡା ପଞ୍ଚାୟତର ଲଟାଗୁଡା ଗାଁରେ ଦିଲ୍ଲୀ ଆତ୍ମ ଶକ୍ତି ଓଡିଶା ଶ୍ରମ ଜୀବୀ ମଞ୍ଚ, ମହିଳା ଶ୍ରମ ଜୀବୀ ମଞ୍ଚ ଓ ରାୟଗଡା ଜନ ଜାଗରଣ ମଞ୍ଚ ତରଫରୁ ମିଶନ ଚାଟଶାଳୀ ଶିକ୍ଷା ଅଭିଯାନ ଉଦଘାଟନ କରାଯାଇଛି । ଏଥିରେ ସ୍ଥାନୀୟ ୱାର୍ଡ଼ ସଭ୍ୟ ଶିବ ନାୟକ ମୁଖ୍ୟ ଅତିଥି ଭାବେ ରହିଥିବା ବେଳେ ଗାଁର ଭଦ୍ରବ୍ୟକ୍ତି ଅଭି କର୍ଷିକା, ଜନ ଜାଗରଣ ମଞ୍ଚ ଲୋକ ସଂଗଠନରକର୍ମୀ ବ୍ଲକ ସଂଯୋଜକ ଦେବେନ୍ଦ୍ର ସୁନା ଓ ଜନ ସାଥି ରୀନା ହଂସ ଉପସ୍ଥିତ ରହିଥିଲେ । ଗ୍ରାମୀଣ ରି ମେଡିଆଲ କ୍ଲାସ ମାଧ୍ୟମରେ ସ୍ବେଚ୍ଛାସେବୀମାନଙ୍କୁ ନେଇ ଶିକ୍ଷା ଦାନ ହୋଇଥିଲା । ସେଥିରେ ସଫଳ ହେବା ପରେ ମିଶନ ଏକ ଲକ୍ଷ ପିଲାଙ୍କୁ ଓ ୭ହଜାର ସ୍ବେଚ୍ଛାସେବୀଙ୍କୁ ନେଇ ଶିକ୍ଷାଦାନ କରିବାରେ ସଫଳତା ପାଇ ସାରିଛି। ବର୍ତ୍ତମାନ ୫ ଲକ୍ଷ ପିଲାଙ୍କୁ ଶିକ୍ଷା ଦାନ କରିବା ପାଇଁ ମିଶନ ଚାଟଶାଳୀ ଉଦଘାଟନ କରାଯାଇଛି । ପୁରାତନ ଚାଟଶାଳୀକୁ ବଞ୍ଚାଇ ରଖିବା ପାଇଁ ଅତ୍ୟାଧୁନିକ ଚାଟଶାଳୀ ପୁନରୁଦ୍ଧାର କରାଯାଇଛି । କରୋନା ମହାମାରୀ ସମୟରେ ପ୍ରଥମରୁ ଅଷ୍ଟମ ଶ୍ରେଣୀର ଛାତ୍ରାଛାତ୍ରୀଙ୍କୁ ଏହିଶିକ୍ଷା ଦିଆଯିବ ବୋଲି କହିଛନ୍ତି । ଏହି କାର୍ୟ୍ୟକ୍ରମରେ ଗାଁର ବହୁ ଲୋକମାନେ ଉପସ୍ଥିତ ରହିଥିଲେ ।
Popular Categories
Previous article
Next article